പരേതയായ ഴാങ്ങ് ക്ളമന്റ് കുറിച്ച ചരിത്രം തിരുത്തുക അത്ര എളുപ്പമൊന്നുമല്ല. കാരണം അത്രയും ആയുസ് കിട്ടുക വളരെ വിരളമാണ്. ഫ്രാന്സിലെ ആര്ലസ് സ്വദേശിയാണ് മുതുമുത്തശ്ശി. 97ല് മരിക്കുമ്പോള് പ്രായം 122 വയസ്.
ഈ ചരിത്രം തകര്ക്കാനുള്ള സാധ്യത തീരെക്കുറവാണ്. കാരണം മനുഷ്യന്റെ പരമാവധി ആയുസ് 125 വയസാണ്. ന്യൂയോര്ക്ക് ആല്ബര്ട്ട് ഐന്സ്റ്റീന് കോളെജ് ഓഫ് മെഡിസിനിലെ പ്രൊഫ. ജാന് വിഗ് പറഞ്ഞു. ചികില്സയടക്കമുള്ള കാര്യങ്ങള് മെച്ചപ്പെട്ടതോടെ മിക്ക രാജ്യങ്ങളിലും ജീവിത ദൈര്ഘ്യം കൂടിയിട്ടുണ്ട്. എങ്കിലും 125 മറികടക്കാന് ആര്ക്കും സാധ്യതയില്ല.115 വരെ ജീവിച്ചവര് കുറേപ്പേരെങ്കിലുമുണ്ട്.
സാങ്കേതിക വിദ്യയിലുണ്ടശായ വിപ്ളവം ജീവിത ദൈര്ഘ്യത്തില് മാറ്റങ്ങള് വരുത്താം. ചിക്കാഗോയിലെ ഇല്ലിനോയിസ് സര്വ്വകലാശാലയിലെ ജെ ഉല്ഷാന്സ്കീ പറഞ്ഞു. കാലക്രമമേണ 125 ഒക്കെ മറിടക്കാന് കഴിയുമെന്ന പ്രതീക്ഷയാണ് അദ്ദേഹത്തിന്റെ വാക്കുകളില്. ജീവിത ദൈര്ഘ്യത്തെ ജനിതകമല്ല നിയന്ത്രിക്കുന്നത്. ജീവിത ശൈലിയാണ്. ഭക്ഷണത്തില് മിതത്വം പാലിച്ച് വ്യായാമം ചെയ്ത് ആരോഗ്യകരമായ ജീവിതം നയിച്ചാല് രോഗം വരുന്നത് കുറയും. ജീവിത ദൈര്ഘ്യവും കൂടും.
