അമ്പലപ്പുഴ: മത്സ്യ വില്പ്പനയുടെ മറവില് ലഹരിമരുന്ന് വില് വില്പ്പന വ്യാപകമായി. വഴിയോര മത്സ്യകച്ചവടത്തിന്റെ മറവില് കഞ്ചാവ് ഉല്പ്പെടെയുള്ള ലഹരിമരുന്നു വില്പ്പനയാണ് വ്യാപകമാകുന്നത്. ഇരുചക്രവാഹനങ്ങളില് മത്സ്യ വില്പ്പന നടത്തുന്ന ചിലരാണ് വഴിയോര മത്സ്യതട്ടുകളില് ലഹരിമരുന്ന് വില്പ്പനയ്ക്ക് എത്തിക്കുന്നതെന്നാണ് വിവരം. മത്സ്യ വില്പ്പനയ്ക്ക് ശേഷം മടങ്ങിയെത്തുന്ന ഇന്സൂലേറ്റഡ് വാഹനങ്ങളിലാണ് ലഹരി മരുന്ന് തീരപ്രദേശങ്ങളില് എത്തിക്കുന്നത്. തമിഴ്നാടിന്റെ അതിര്ത്തി പ്രദേശങ്ങളായ കളയിക്കാവിള, കുളത്തുപ്പുഴ ഭാഗങ്ങളില് നിന്നാണ് ലഹരി മരുന്നുകള് എത്തിയ്ക്കുന്നത്.
നേരത്തെ ഇത്തരം വാഹനങ്ങളില് പോലീസ് കര്ശനമാക്കിയിരുന്നപ്പോള് ലഹരിമാഫിയയുടെ പ്രവര്ത്തനം നിലച്ചിരുന്നു. എന്നാല് അടുത്തകാലത്തായി വാഹനപരിശോധന കാര്യക്ഷമമല്ല. തീരപ്രദേശങ്ങളില് നിരോധിത പുകയില ഉത്പ്പന്നങ്ങളുടെ വിപണനവും സജീവമാണ്. മത്സ്യത്തൊഴിലാളികളെയും പ്രദേശവാസികളെയും ലഹരിക്കടിമകളാക്കി മാഫിയകള് നേട്ടമുണ്ടാക്കുകയാണ്. പോലീസും എക്സൈസും പരിശോധന കര്ശനമാക്കിയാല് മാത്രമെ ഇത്തരം മാഫിയകളെ നിയന്ത്രിക്കാന് കഴിയുകയുള്ളു.
