പരിയാരം: സ്വാശ്രയ വിദ്യാഭ്യാസ മേഖലയിലെ കൊളളയ്ക്ക് പിണറായി സര്ക്കാര് കൂട്ടുനില്ക്കുകയാണെന്ന് യുവമോര്ച്ച സംസ്ഥാന വൈസ് പ്രസിഡണ്ട് ബിജുഏളക്കുഴി പറഞ്ഞു. സ്വാശ്രയ വിദ്യാഭ്യാസ മേഖലയിലെ ഫീസ് വര്ദ്ധനവില് പ്രതിഷേധിച്ച് യുവമോര്ച്ച ജില്ലാ കമ്മിറ്റി പരിയാരം മെഡിക്കല് കോളേജിലേക്ക് സംഘടിപ്പിച്ച മാര്ച്ച് ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ തെരുവിലെക്കൊഴുകിയ വിദ്യാര്ത്ഥികളുടേയും യുവാക്കളുടേയും ചോരയാണ് പിണറായിക്ക് മുഖ്യമന്ത്രിയാവാന് അവസരം നല്കിയത്.എന്നാല് അധികാരത്തിലെത്തിയതോടെ കൊളളപണം കൊണ്ട് ജീവിക്കാനാണ് എല്ഡിഎഫ് ഭരണത്തില് നേതാക്കള് തയ്യാറാവുന്നത്.ഇതിന്റെ തെളിവാണ് സിപിഎം ഭരിക്കുന്ന പരിയാരം മെഡിക്കല് കോളേജില് പോലും ഫീസ് വര്ദ്ധിപ്പിച്ച നടപടി. സ്വാശ്രയ സ്ഥാപനങ്ങള്ക്കെതിരെ സമരം നടത്തി ജീവന് ബലി കൊടുത്ത കൂത്തുപറമ്പ് രക്തസാക്ഷികളുടെ കുടുംബാംഗങ്ങള് സിപിഎം ഭരണത്തില് വഞ്ചിക്കപ്പെട്ടിരിക്കുകയാണ്. രക്തസാക്ഷികളെ വിറ്റ് കാശാക്കുന്ന സിപിഎം നിലപാട് തിരുത്താന് ഡിവൈഎഫ്ഐ തയ്യാറാവണം. സ്വാശ്രയ സ്ഥാപനങ്ങളുടെ പേരില് ജീവന്കൊടുത്ത സഹപ്രവര്ത്തകരോട് അല്പ്പമെങ്കിലും ആത്മാര്ത്ഥതയുണ്ടെങ്കില് ഡിവൈഎഫ്ഐ പരിയാരം മെഡിക്കല് കോളേജിലെ ഫീസ് വര്ദ്ധനയ്ക്കെതിരെയെങ്കിലും സമരം നടത്താന് തയ്യാറാവണമെന്നും അദ്ദേഹം പറഞ്ഞു.യുവമോര്ച്ച ജില്ലാ പ്രസിഡണ്ട് കെ.പി.അരുണ് അധ്യക്ഷത വഹിച്ചു. മാര്ച്ചില് നൂറുകണക്കിന് യുവമോര്ച്ചാ പ്രവര്ത്തകര് പങ്കെടുത്തു.
സ്വാശ്രയ വിദ്യാഭ്യാസ മേഖലയിലെ കൊളളയ്ക്ക് പിണറായി സര്ക്കാര് കൂട്ടുനില്ക്കുന്നു: ബിജുഏളക്കുഴി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.