ചെന്നൈ: ഇസ്രയേല് തമിഴ്നാട്ടില് വന്തോതില് റഡാറുകള് നിര്മ്മിക്കാന് പോവുകയാണ്. ഇതിന് അനുമതി നല്കിക്കഴിഞ്ഞു. ഇസ്രയേല് എയ്റോസ്പോസ് ഇന്ഡസ്ട്രീസും ഇന്ത്യയുടെ ഡിസിഎക്സ് സിസ്റ്റംസും കൈകോര്ത്തുള്ളതാണ് ഈ പദ്ധതി. തമിഴ്നാട്ടിലെ ശൂലഗിരിയില് ഈ ഉല്പാദന പ്ലാന്റ് നിര്മ്മിക്കാന് തീരുമാനിച്ചു കഴിഞ്ഞു.
പക്ഷെ ഫാക്ടറിയില് 2027ല് ആണ് ഉല്പാദനം ആരംഭിക്കുക. ഇസ്രയേലുമായി ബന്ധപ്പെട്ടു എന്ന് പറഞ്ഞ് ടാറ്റയുടെ സൂഡിയോയിലെ വസ്ത്രങ്ങളില് ഗാസയിലെ കുഞ്ഞുങ്ങളുടെ ചോരയുണ്ടെന്ന് പറഞ്ഞ് സമരം ചെയ്തവരാണ് ജമാ അത്തെ ഇസ്ലാമിയും മറ്റ് മുസ്ലിം സംഘടനകളും.
ഇപ്പോള് തമിഴ്നാട്ടില് ജോസഫ് വിജയിന്റെ സര്ക്കാരിന്റെ ഭാഗമാണ് മുസ്ലിം ലീഗ്. അവിടെ മുസ്ലിം ലീഗ് എംഎല്എ ആയ ഷാജഹാന് ന്യൂനപക്ഷ ക്ഷേമത്തിന്റെ മന്ത്രിയുമാണ്. ഇസ്രയേലിന്റെ റഡാര് തമിഴ്നാട്ടില് നിര്മ്മിക്കുമ്പോള് ജോസഫ് വിജയിന്റെ സര്ക്കാരിന്റെ കൈകളില് ഗാസ കുഞ്ഞുങ്ങളുടെ ചോര മണക്കില്ലേ? ഈ സര്ക്കാരിലെ പങ്കാളിയായ മുസ്ലിംലീഗിന്റെ കൈകളില് ഗാസ കുഞ്ഞുങ്ങളുടെ ചോര മണക്കില്ലേ? ഈ ചോദ്യങ്ങള്ക്കെല്ലാം ലീഗ് മൗനം പാലിക്കുകയാണ്.
ഇതിനര്ത്ഥമെന്താണ്? തനിക്കും കിട്ടണം പണം എന്നത് മാത്രമാണ് മുസ്ലിം ലീഗിന്റെയും മുസ്ലിം സംഘടനകളുടെയും നയം എന്ന് വേണം മനസ്സിലാക്കാന്.
