കണ്ണൂര്: ഭവനരഹിത-പട്ടികവിഭാഗക്കാര്ക്ക് വേണ്ടി കണ്ണൂര് കോര്പറേഷന് നിര്മ്മിച്ച ഫഌറ്റ് അര്ഹരായ 40 കുടുംബങ്ങള്ക്ക് എട്ടിന് കൈമാറും. എട്ടിന് കാലത്ത് പത്തിന് മുനിസിപ്പല് സ്കൂളില് നടക്കുന്ന ചടങ്ങില് മുഖ്യമന്ത്രി പിണറായി വിജയന് ഫഌറ്റിന്റെ താക്കോല്ദാനം നിര്വ്വഹിക്കുമെന്ന് മേയര് ഇ.പി.ലത വാര്ത്താസമ്മേളനത്തില് അറിയിച്ചു. ചില സാങ്കേതിക ബുദ്ധിമുട്ടുകളുള്ളത് കൊണ്ട് മാത്രമാണ് ഫഌറ്റ് കൈമാറുന്നതിന് കാലതാമസം നേരിട്ടത്. കോര്പ്പറേഷന് ലഭിച്ച അപേക്ഷയില് നിന്നും അര്ഹരായ 40 പേരെ ലിസ്റ്റിട്ടുവെങ്കിലും ഇവരില് പലരും അനര്ഹരാണെന്ന വാദം ഉയര്ന്നതോടെ പട്ടികജാതി ഓഫീസര്ക്ക് ലിസ്റ്റ് അയച്ചുകൊടുക്കുകയും ഇവരുടെ സാമ്പത്തിക സ്ഥിതിയും ജീവിതനിലവാരവുമെല്ലാം അപേക്ഷയില് പറയുന്നത് പ്രകാരം യാഥാര്ത്ഥ്യമാണോയെന്നത് പുനപരിശോധന നടത്തണമെന്ന് ആവശ്യപ്പെടുകയും ചെയ്തിരുന്നു. 40 പേരും അര്ഹരാണെന്ന പട്ടികജാതി ഓഫീസറുടെ റിപ്പോര്ട്ട് പ്രകാരമാണ് കോര്പ്പറേഷന് നേരത്തെ ലിസ്റ്റിലുള്ളവര്ക്ക് തന്നെ ഫഌറ്റ് നല്കാന് തീരുമാനിച്ചിരിക്കുന്നതെന്നും മേയര് വ്യക്തമാക്കി. നറുക്കെടുപ്പിലൂടെയാണ് എല്ലാവര്ക്കും ഫഌറ്റുകള് നല്കുന്നത്. ഇതില് ഭിന്നശേഷിയുള്ളവര്ക്ക് താഴത്തെ നിലയില് തന്നെ ഫഌറ്റുകള് നല്കണമെന്ന നിര്ദ്ദേശം നല്കിയിട്ടുണ്ടെന്നും മേയര് പറഞ്ഞു. മുക്കടവിലെ 23 കുടുംബങ്ങള്ക്കുള്ള ഫഌറ്റിന്റെ താക്കോല്ദാനവും ഉടന് നടക്കും. ഇവിടെയുള്ള വൈദ്യുതീകരണപ്രവൃത്തി പൂര്ത്തിയായാലുടന് അര്ഹരായ കുടുംബങ്ങള്ക്ക് ഫഌറ്റ് കൈമാറും. അത് പോലെ സെന്ട്രല് മാര്ക്കറ്റിന്റെ ഇലക്ട്രിഫിക്കേഷന് പണി പൂര്ത്തിയാകുന്നതോടെ അതും തുറന്ന് കൊടുക്കും.
ഫ്ളാറ്റുകള് 8 ന് കൈമാറും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.