ആലപ്പുഴ: സിബിഎസ്ഇ ജില്ലാസഹോദയ കോംപ്ലെക്സിന്റെ നേതൃത്വത്തില് സംഘടിപ്പിക്കുന്ന സഹോദയ ജില്ലാകലോത്സവം ഏഴ്, എട്ട്, 13, 14, 15 തീയതികളില് ആലപ്പുഴ എസ്ഡിവി ഇംഗ്ലീഷ് മീഡിയം ഹയര്സെക്കന്ഡറി സ്കൂളില് നടക്കും. ജില്ലയിലെ 59 സ്കൂളുകളില് നിന്ന് നാലായിരത്തോളം വിദ്യാര്ത്ഥികള് പങ്കെടുക്കുമെന്നും പ്രസിഡന്റ് വി.സി. കുര്യന്, ജനറല് കണ്വീനര് ഇന്ദുദത്ത് എന്നിവര് പത്രസമ്മേളനത്തില് അറിയിച്ചു.
144 ഇനങ്ങളിലായി നാല് വിഭാഗങ്ങളിലായി ഏഴ് വേദികളിലാണ് പരിപാടികള് നടക്കുന്നത്. കലോത്സവത്തിന്റെ ഉദ്ഘാടനം 13 ന് രാവിലെ ഒന്പതിന് ചലച്ചിത്ര സംവിധായകന് ഫാസില് നിര്വഹിക്കും. പ്രസിഡന്റ് വി.സി. കുര്യന് അധ്യക്ഷതവഹിക്കുന്ന ചടങ്ങില് എഴുത്തുകാരന് കെ.എല്. മോഹനവര്മ്മ മുഖ്യപ്രഭാഷണം നടത്തും. എസ്ഡിവി സ്കൂള് മാനേജര് എന്. നീലകണ്ഠന്, സഹോദയ ജനറല് സെക്രട്ടറി ജൂബി പോള്, ട്രഷറര് ഡയാനാ ജേക്കബ്, എസ്ഡിവി ഇംഗ്ലീഷ് മീഡിയം സ്കൂള് മാനേജര് ആര്. കൃഷ്ണന് തുടങ്ങിയവര് പങ്കെടുക്കും. വൈകിട്ട് അഞ്ചിന് നടക്കുന്ന സമാപന സമ്മേളനത്തില് ജില്ലാ കളക്ടര് വീണ എന്. മാധവന് മുഖ്യപ്രഭാഷണം നടത്തും. ചലച്ചിത്ര താരം ഹണി റോസ് വിജയികള്ക്ക് സമ്മാനദാനം നിര്വഹിക്കും. പത്രസമ്മേളനത്തില് പ്രോഗ്രാം കമ്മിറ്റി കണ്വീനര് സോമശേഖരപണിക്കര്, ജനറല് സെക്രട്ടറി ജൂബി പോള്, ട്രഷറര് ഡയാന ജേക്കബ്, വൈസ് പ്രസിഡന്റ് ഡേവിഡ് എബ്രഹാം, ജോയിന്റ് സെക്രട്ടറി മാലാ ശശി തുടങ്ങിയവര് പങ്കെടുത്തു.
