തലശ്ശേരി: നാട്ടില് വര്ദ്ധിച്ചുവരുന്ന തീവ്രവാദ പ്രവര്ത്തനങ്ങളെ ശക്തിയുക്തം ചെറുത്ത് തോല്പ്പിക്കണമെന്ന് ഹിന്ദു ഐക്യവേദി കണ്ണൂര് ജില്ലാ കമ്മറ്റി യോഗം ചൂണ്ടിക്കാട്ടി. ഇസ്ലാമിക ഭീകരത തഴച്ച് വളരുന്ന മണ്ണായി ജില്ലലെ മാറ്റാന് അനുവദിക്കില്ല. ഇസ്ലാമിക ഭീകരര്ക്ക് ഏല്ലാവിധ പ്രോത്സാഹനവും നല്കുന്നത് കമ്മ്യൂണിസത്തിന്റെ കാവലാളുകളാണ്. കനകമലയില് പിടിയിലായ ഐഎസ് ഭീകരര് രാജ്യത്തിനെതിരെ യുദ്ധം ചെയ്യാന് കൂടിച്ചേര്ന്നപ്പോള് ന്യായീകരിക്കാനാണ് സിപിഎം നേതാക്കള് ശ്രമിച്ചത്. അതിനാല് സിപിഎമ്മിന്റെ ഐഎസ് ബന്ധത്തെക്കുറിച്ചും അന്വേഷിക്കണം. മുസ്ലീങ്ങള് എല്ലാം തീവ്രവാദികളല്ല, പക്ഷേ അതിനെ അനുകൂലിക്കുന്നവര് ഒട്ടനവധി ഉണ്ട്. രാജ്യ സുരക്ഷയെക്കുറിച്ചും രാജ്യ സ്നേഹത്തെക്കുറിച്ചും ദേശത്തിന്റെ യഥാര്ത്ഥ ചരിത്ര പശ്ചാത്തലത്തെയും ആധാരമാക്കി ഇത്തരക്കാര്ക്കിടയില് ബോധവല്ക്കരണം നടത്താന് സംസ്ഥാന ഭരണകൂടം തയ്യാറാകണം. വിദ്യാഭ്യാസം ഇല്ലാത്തവരാണ് തീവ്രവാദ ശൃംഗലയില് അകപ്പെടുന്നതെന്ന ബാലിശമായ ചിന്ത തിരുത്തണം. വിദ്യാഭ്യാസമുണ്ടായിട്ടും മതാന്ധത വച്ചുപുലര്ത്തുന്നത് അംഗീകരിക്കാന് കഴിയില്ല. അത് രാജ്യ സുരക്ഷയെ ബധിക്കുന്ന പ്രശ്നമാണ്. ജില്ലയിലെ വിവിധ ഭാഗങ്ങളില് പോപ്പുലര് ഫ്രണ്ടും എസ്ഡിപിഐയും നേരിട്ട് ആയുധ പരിശീലനം നടത്തുന്നു. ഇതും രാജ്യസുരക്ഷയെ ബാധിക്കുന്ന പ്രശ്നമാണ്. ഇതിനെതിരെ രാജ്യസ്നേഹികള് ജാതി, മത, രാഷ്ട്രീയ ഭേദമന്യേ ഒറ്റക്കെട്ടായി തീവ്രവാദ ശക്തികള്ക്കെതിരെ നില്ക്കണമെന്നും തിവ്രവാദ പ്രവര്ത്തനം നടത്തുന്നവരെ സമൂഹത്തില് ഒറ്റപ്പെടുത്തണമെന്നും ഹിന്ദു ഐക്യവേദി ജില്ലാ വര്ക്കിംഗ് പ്രസിഡണ്ട് പ്രദീപ് ശ്രീലകം, ഹിന്ദു ഐക്യവേദി ജില്ലാ കമ്മറ്റി സംഘചിപ്പിച്ച യോഗത്തില് ചൂണ്ടിക്കാട്ടി. യോഗത്തില് ജില്ലാ സംഘടനാ സെക്രട്ടറി കൊല്ലംപെറ്റ പ്രേമന് അധ്യക്ഷത വഹിച്ചു. എന്.കെ.ഫല്ഗുനന്, ഒ.കെ.വിനോദ് കുമാര്, സുഭാഷ് പടുവിലായി, മണിവര്ണ്ണന് തുടങ്ങിയവര് പ്രസംഗിച്ചു.
വ്യാജ എടിഎം കാര്ഡ് ഉപയോഗിച്ച് കണ്ണൂര് സ്വദേശിയുടെ ഒന്നരലക്ഷം രൂപ കവര്ന്നു
കണ്ണൂര്: വ്യാജ എടിഎം കാര്ഡ് ഉപയോഗിച്ച് കണ്ണൂര് സ്വദേശിയുടെ ഒന്നരലക്ഷം രൂപ കവര്ന്നതായി പരാതി. താഴെചൊവ്വ സ്വദേശി ടി.രവീന്ദ്രന്റെ പണമാണ് കഴിഞ്ഞദിവസം ഗോവയില് നിന്നും എടിഎം വഴി കവര്ന്നത്. സഹൃത്തുക്കള്ക്കൊപ്പം കഴിഞ്ഞ ദിവസം ഗോവയില് വിനോദയാത്രക്ക് പോയപ്പോള് രവീന്ദ്രന് ഫെഡറല് ബാങ്കിന്റെ എടിഎം കാര്ഡ് ഉപയോഗിച്ച് പതിനായിരം രൂപ പിന്വലിച്ചിരുന്നു. കഴിഞ്ഞ ദിവസം നാട്ടില് തിരിച്ചെത്തിയപ്പോഴാണ് ഗോവയില്വെച്ച് വ്യാജ എടിഎം കാര്ഡ് ഉപയോഗിച്ച് ഒരുലക്ഷത്തി നാല്പതിനായിരം രൂപ തട്ടിയെടുത്തതായി കണ്ടെത്തിയത്. വ്യാജ എടിഎം കാര്ഡുകളുപയോഗിച്ച് ഗോവയിലെ വിവിധ എടിഎം കൗണ്ടറുകളില് നിന്നായി 14 തവണ 10000 രൂപ വീതം പിന്വലിച്ചു എന്നാണ് ഇയാള് കണ്ണൂര് പോലീസിന് നല്കിയ പരാതിയില് പറയുന്നത്. ഗോവ ഉള്പ്പെടെയുള്ള വിനോദ സഞ്ചാര കേന്ദ്രങ്ങളിലെ ചില കേന്ദ്രങ്ങളില് എടിഎം ക്രഡിറ്റ് കാര്ഡുകള് ഉപയോഗിച്ച് സാധനങ്ങള് വാങ്ങുമ്പോള് കാര്ഡ് നമ്പറും പാസ്വേഡും കോപ്പിചെയ്ത് പിന്നീട് കാര്ഡ് ഉടമ അറിയാതെ പണം തട്ടുന്ന സംഭവം ഇതിന് മുമ്പും ഉണ്ടായിട്ടുണ്ട്. ഇത്തരത്തില് പണം കവരുന്ന വന് റാക്കറ്റ് തന്നെ ഇവിടെ പ്രവര്ത്തിക്കുന്നതായാണ് വിവരം.
