കണ്ണൂര്: മത്സര പരീക്ഷകള്ക്ക് തയ്യാറെടുക്കുന്ന ഉദേ്യാഗാര്ത്ഥികള്ക്ക് പ്രഫഷണല് കാഴ്ചപ്പാട് അത്യാവശ്യമാണെന്ന് ജില്ലാ പഞ്ചായത്ത് പ്രസിഡണ്ട് കെ.വി.സുമേഷ് അഭിപ്രായപ്പെട്ടു. ജില്ലാ എംപ്ലോയ്മെന്റ് എക്സ്ചേഞ്ച് സംഘടിപ്പിക്കുന്ന സൗജന്യ മത്സരപരീക്ഷാ പരിശീലന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പിഎസ്സി യുടേത് അടക്കമുളള പരീക്ഷകളില് ഇന്ന് കടുത്ത മത്സരമാണ് ഉണ്ടാവുന്നത്. തീവ്രപരിശീലനവും വിദ്യാഭ്യാസവും മത്സരബുദ്ധിയും ഉണ്ടെങ്കിലേ ഇതില് വിജയിച്ച് ജോലി കരസ്ഥമാക്കാനാവൂ. മലബാര് മേഖലയില് പൊതുവെ ഇതിനാവശ്യമായ പരിശീലന സംവിധാനങ്ങളും സ്ഥാപനങ്ങളും കുറവാണ്. അതുകൊണ്ട് തന്നെ ഈ പ്രദേശത്തുളളവര് വിദ്യാഭ്യാസ നിലവാരത്തിനനുസരിച്ച് തൊഴില് നേടുന്നതില് പിന്നാക്കമാണ്. എംപ്ലോയ്മെന്റ് എക്സ്ചേഞ്ച് പോലുളള സര്ക്കാര് സംവിധാനങ്ങള് വഴി മത്സരപരീക്ഷ പരിശീലനത്തിന് കൂടുതല് സൗകര്യങ്ങള് ഉണ്ടാവേണ്ടതുണ്ട്. ഇവ ഫലപ്രദമായി ഉപയോഗപ്പെടുത്താന് തൊഴിലനേ്വഷകരായ യുവാക്കള് മുന്നോട്ടുവരണമെന്നും അദ്ദേഹം പറഞ്ഞു.
ജില്ലാ എംപ്ലോയ്മെന്റ് ഓഫീസര് പി.ജെ.സെബാസ്റ്റ്യന് അധ്യക്ഷത വഹിച്ചു. ജില്ലാ ഇന്ഫര്മേഷന് ഓഫീസര് ഇ.കെ.പത്മനാഭന്, എംപ്ലോയ്മെന്റ് ഓഫീസര്(സെല്ഫ് എംപ്ലോയ്മെന്റ്) കെ.സ്നേഹലത, പി.വി.ശ്രീകുമാര് എന്നിവര് സംസാരിച്ചു. എംപ്ലോയ്മെന്റ് ഓഫീസര്(വൊക്കേഷണല് ഗൈഡന്സ്) കെ.വി.രമേശന് സ്വാഗതവും ജൂനിയര് എംപ്ലോയ്മെന്റ് ഓഫീസര് വി.എന്.നിര്മല നന്ദിയും പറഞ്ഞു. തെരഞ്ഞെടുക്കപ്പെട്ട 50 ഉദേ്യാഗാര്ത്ഥികള്ക്ക് 25 ദിവസത്തെ സൗജന്യ മത്സരപരീക്ഷ പരിശീലനമാണ് നല്കുന്നത്.
