ചേര്ത്തല: ഗാന്ധി ജയന്തി ദിനത്തില് ചേര്ത്തല യുവമോര്ച്ച പ്രവര്ത്തകര് സ്വച്ഛ് ഭാരത് അഭിയാന് പദ്ധതിയുടെ ഭാഗമായി മിനി സിവില്സ്റ്റേഷനും പരിസരവും ശുചികരിച്ചു. ബിജെപി നിയോജക മണ്ഡലം പ്രസിഡന്റ് സാനു സുധീന്ദ്രന് ഉത്ഘാടനം ചെയ്തു. യുവമോര്ച്ച മണ്ഡലം പ്രസിഡന്റ് അരുണ് പട്ടണക്കാട് അദ്ധ്യക്ഷത വഹിച്ചു. പാര്ട്ടി മണ്ഡലം ജനറല്സെക്രട്ടറി അരുണ് കെ. പണിക്കര്, മണ്ഡലം സെക്രട്ടറി ഡി. ജ്യോതിഷ്, യുവമോര്ച്ച ജില്ല ട്രഷറര് സി.ഡി. ബിനുദാസ്, മണ്ഡലം ജനറല് സെക്രട്ടറി അര്ജുന് ഷാജി, ബാബു, സുധീഷ്, നവീന്, വിജേഷ് തുടങ്ങിയവര് ശുചീകരണ പ്രവര്ത്തനങ്ങള്ക്ക് നേതൃത്വം നല്കി.
സ്വച്ഛ് ഭാരത് മിഷന്റെ നിര്ദേശപ്രകാരം ഗാന്ധിജയന്തി ദിനത്തില് പെരുമ്പളം ഗ്രാമപഞ്ചായത്തില് ശുചിത്വം, കുടിവെളളം തുടങ്ങിയ വിഷയങ്ങള്ക്ക് പ്രാധാന്യം നല്കിയുള്ള പ്രത്യേക ഗ്രാമസഭ സംഘടിപ്പിച്ചു. പെരുമ്പളം ദ്വീപ് പഞ്ചായത്തിനെ സമ്പൂര്ണ്ണ ശൗചാലയ പഞ്ചായത്തായി പ്രഖ്യാപിക്കുന്നതിനുള്ള പുരോഗതി യോഗം വിലയിരുത്തി. ഗ്രാമ പഞ്ചായത്ത് പ്രസിഡന്റ് കെ.എസ്. ഷിബു ഉദ്ഘാടനം ചെയ്തു. വൈസ്.പ്രസിഡന്റ് ഗീതാ സന്തോഷ് അദ്ധ്യക്ഷത വഹിച്ചു. അരുണാ ശ്രീകുമാര്, ശോഭന ചക്രപാണി, പീ.ഡി. സജീവ്, പെരുമ്പളം ജയകുമാര്, പി.ഏ. അന്സ്, അനൂപ്, ഓമന രാജു, ശാന്ത അംബുജന്, സജിനി മണിയന്, സേവ്യര്, ലതിക തിലകന് എന്നിവര് സംസാരിച്ചു.
വാരനാട് എച്ച്ഡബ്ല്യുഎല്പി സ്കൂള് ബിജെപി പ്രവര്ത്തകര് ശുചികരിച്ചു. വഴിവിളക്ക് ഇല്ലാത്തതിനാല് രാത്രി കാലത്ത് വാഹന അപകടം പെരുകുന്ന വാസ്കോ ജങ്ഷന് ഉള്പ്പെടെ ആറ് സ്ഥലത്ത് വഴിവിളക്കും തെളിയിച്ച് വൃദ്ധജനങ്ങളെ സന്ദര്ശിച്ച് അവരുടെ അവശതയ്ക്ക് പരിഹാരവും കണ്ടാണ് പ്രദേശത്തെ ബിജെപി പ്രവര്ത്തകര് മടങ്ങിയത്. നന്ദകുമാര്, എസ്. പ്രവീണ്, രതിഷ് എന്നിവര് സംസാരിച്ചു.
ബാലഗോകുലം ചേര്ത്തല താലൂക്കിന്റെ ആഭിമുഖ്യത്തില് ഗോകുലഗ്രാമം ശുചിത്വഗ്രാമം പദ്ധതി പ്രകാരം ചേര്ത്തല നഗരത്തിന്റെ വിവിധ ഭാഗങ്ങളില് ശുചീകരണം നടത്തി. താലൂക്ക് കാര്യദര്ശി കൃഷ്ണകുമാര്, അരവിന്ദാക്ഷന്, സുജിത്ത്, ഗോപിക, അശ്വതി, ഉണ്ണികൃഷ്ണന് തുടങ്ങിയവര് നേതൃത്വം നല്കി.
