മാവേലിക്കര: തഴക്കര പഞ്ചായത്തിനെ കലാപ ഭൂമിയാക്കുവാനുള്ള ആസൂത്രിത നീക്കം തിരിച്ചറിയണമെന്ന് ഹിന്ദു ഐക്യവേദി തഴക്കര പഞ്ചായത്ത് കമ്മറ്റി ആവശ്യപ്പെട്ടു. കഴിഞ്ഞ കുറച്ച് കാലങ്ങളായി തഴക്കര പഞ്ചായത്തിന്റെ വിവിധ ഭാഗങ്ങളില് രാഷ്ട്രീയപാര്ട്ടികളുടെ കൊടികള് നശിപ്പിക്കുകയും ഓട്ടോറിക്ഷ കത്തിക്കുകയും അടക്കം നിരവധി ആക്രമപ്രവര്ത്തനങ്ങള് നടന്നുവരുന്നു.
മുഴുവന് സംഭവങ്ങള്ക്ക് പിന്നിലും സംഘപരിവാര് പ്രസ്ഥാനങ്ങളാണെന്ന് ആരോപിക്കുകയും പോലീസിന്റെ നിഷ്പക്ഷമായ അന്വക്ഷണത്തിനൊടുവില് ഡിവൈഎഫ്ഐ പ്രവര്ത്തകരെ പ്രതികളായി അറസ്റ്റു ചെയ്യപ്പെട്ടതും സംഭവത്തിനു പിന്നിലെ ആസൂത്രണം വെളിവാക്കുന്നു.
അല്പം ഇടവേളയ്ക്ക് ശേഷം വീണ്ടും ആക്കനാട്ടുകരയില് സിപിഎം സ്്തൂപം തകര്ത്തുകൊണ്ട് അക്രമനാടകം അരങ്ങേറിയിരിക്കയാണ്. സമൂഹത്തില് അക്രമം അഴിച്ചുവിട്ടുകൊണ്ട് നാടിന്റെ സമാധാന അന്തരീക്ഷം തകര്ക്കുവാന് ശ്രമിക്കുന്ന സമൂഹ ദ്രോഹികള്ക്കെതിരെ പോലീസ് ശക്തമായ നടപടികള് കൈക്കൊള്ളെണമെന്ന് ഹിന്ദു ഐക്യവേദി തഴക്കര പഞ്ചായത്ത് പ്രസിഡന്റ് ഗോപാലകൃഷ്ണപിള്ള ആവശ്യപ്പെട്ടു. പഞ്ചായത്ത് സെക്രട്ടറി പങ്കജാക്ഷന്, വാസുദേവന്, ശശി തുടങ്ങിയവര് പ്രസംഗിച്ചു.
