ഹരിപ്പാട്: വിഭാഗീയതയ്ക്കും ജാതിമത വിവേചനങ്ങള്ക്കും എതിരെ പടപൊരുതി നവോത്ഥാന നായകര് നമുക്ക് നേടിതന്ന എല്ലാ മൂല്യങ്ങളും ചോര്ന്നു പോകുന്ന ഇന്നത്തെ പ്രത്യേക സാഹചര്യത്തില് അവ ആദ്ധ്യാത്മിക ജ്ഞാനത്തിലൂടെ പുനസ്ഥാപിക്കണമെന്നു ചലച്ചിത്ര നടന് കോല്ലം തുളസി. ചിങ്ങോലി ശ്രീകാവില് പടിക്കല് ദേവീക്ഷേത്രത്തിലെ നവരാത്രി ആഘോഷങ്ങള് ഉദ്ഘാടനം ചെയ്യുകയായിരുന്നു അദ്ദേഹം.
ഏതു മതമായാലും ഈശ്വരന് മനുഷ്യനന്മയ്ക്കു വേണ്ടിയുള്ള മാര്ഗ ദര്ശനങ്ങളാണ് നല്കുന്നത്. ഇന്ന് ലോകത്തു കിടമത്സരങ്ങളും യുദ്ധങ്ങളും ഉണ്ടാകുന്ന സാഹചര്യത്തില് മാനവരാശിയുടെ പുരോഗതി ആദ്ധ്യാത്മിക ജ്ഞാനത്തിലൂടെ ഉറപ്പാക്കണമെന്നും അദ്ദേഹം പറഞ്ഞു.
ദേവസ്വം പ്രസിഡന്റ് മുഞ്ഞിനാട്ട് രാമചന്ദ്രന് അദ്ധ്യക്ഷത വഹിച്ചു. രാമായണ പ്രശ്നോത്തരിയില് വിജയികളായവര്ക്കു എംപി: കെ.സി. വേണുഗോപാല് സമ്മാനഗാനം നിര്വ്വഹിച്ചു.
