തിരുവനന്തുരം: നികുതി പരിഷ്ക്കരണത്തിന്റെ ഭാഗമായി തിരുവനന്തപുരം നഗരസഭ പരിധിയിലെ കെട്ടിടങ്ങള്ക്ക് കെട്ടിട നമ്പര് നല്കുന്ന നടപടി ഊര്ജ്ജിതമായി നടന്നു വരുന്നു. നഗരസഭ പരിധിയില് കൂട്ടിച്ചേര്ത്ത പഞ്ചായത്തുകളടക്കമുള്ള 100 വാര്ഡുകളില് നിയോഗിച്ചിട്ടുള്ള ബില് കളക്ടര്മാരാണ് പ്രാഥമിക നടപടി എന്ന നിലയില് കെട്ടിട നമ്പര് പതിക്കുന്നത്. കെട്ടിട നമ്പര് പതിച്ചതിനുശേഷം എല്ലാ കെട്ടിട ഉടമകളും ഒരു സ്വയം നികുതി നിര്ണ്ണയിക്കുന്നതിന്റെ ഭാഗമായി ഒരു സെല്ഫ് അസ്സറ്റ്മെന്റ് ഫോറം നഗരസഭയില് സമര്പ്പിക്കേണ്ടതുണ്ട്. അതിനുശേഷമാണ് നികുതി പുനര്നിര്ണ്ണയം ചെയ്യുന്ന നടപടി നടക്കുന്നത്. കഴിഞ്ഞ സര്ക്കാരിന്റെ കാലത്താണ് നികുതി പരിഷ്ക്കരണം സംബന്ധിച്ച് മാനദണ്ഡം നിഷ്ക്കര്ഷിച്ചുകൊണ്ട് ഉത്തരവ് ഇറക്കിയിട്ടുള്ളത്. അതിന് പ്രകാരമുള്ള നടപടിയാണ് നടന്നുകൊണ്ടിരിക്കുന്നത്. ഇക്കാര്യത്തില് പൊതുജനങ്ങള്ക്ക് യാതൊരുവിധ ആശങ്കയും വേണ്ട. കെട്ടിട നമ്പര് പതിച്ചതുമായി ബന്ധപ്പെട്ട് വിഴിഞ്ഞം പരിധിയില് നിന്ന് ഒരു പരാതി ലഭിച്ചിട്ടുണ്ട്. കഴക്കൂട്ടം മേഖലയില് നിന്നും കെട്ടിട നമ്പര് പതിക്കുന്നത് സംബന്ധിച്ച് പരാതിയൊന്നും ലഭിച്ചിട്ടില്ല. അനധികൃത കെട്ടിടങ്ങള് ശ്രദ്ധയില്പ്പെട്ടാല് അതിനെതിരെ നിയമാനുസൃത നടപടി സ്വീകരിക്കുന്നതിന് ബന്ധപ്പെട്ട ഉദ്യോഗസ്ഥര്ക്ക് കര്ശന നിര്ദ്ദേശം നല്കിയിട്ടുണ്ട്. കെട്ടിട നമ്പര് കൃത്യമായി പതിച്ചിട്ടുണ്ടോ, ക്രമപ്രകാരമാണോ പതിച്ചിട്ടുള്ളത്, ഏതെങ്കിലും കെട്ടിടങ്ങള് വിട്ടു പോയിട്ടുണ്ടോ തുടങ്ങിയ വിഷയങ്ങള് റവന്യൂ ഇന്സ്പെക്ടര്മാരും അതിനു മേലെതട്ടിലുള്ള സൂപ്പര്വൈസറി സ്റ്റാഫും കേരള മുനിസിപ്പാലിറ്റി നിയമവും ചട്ടവും അനുശാസിക്കുന്ന പ്രകാരം പരിശോധിക്കും. അപാകത ശ്രദ്ധയില്പെടുത്തുന്ന അവസരത്തില് അത് പരിഹരിച്ചു മാത്രമെ തുടര്നടപടി സ്വീകരിക്കുകയുള്ളൂ.
കെട്ടിട നമ്പര് നല്കുന്ന നടപടി ഊര്ജിതമാക്കി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.