ഇരിട്ടി: രണ്ട് മക്കളും ഭാര്യയും അടങ്ങുന്ന കുടുംബം. താമസം വാടക മുറിയില്. ജോലിയോ തുച്ഛമായ വരുമാനം മാത്രമുള്ള സ്വര്ണ്ണപ്പണി. ഹൃദയ സംബന്ധമായ അസുഖം മൂലം ചികിത്സയിലാണ് തന്റെ മൂത്ത മകനായ ഏഴു വയസ്സുകാരന് അഭിറാം. അഭിരാമിന്റെ അമ്മ 35കാരി ശ്രീജയാണെങ്കില് മാരകമായ അര്ബുദബാധയെത്തുടര്ന്ന് ഇരിക്കാനോ കിടക്കാനോ കഴിയാത്ത വിധം നിസ്സഹാവസ്ഥയിലാണ്. ഇവരെ ചികിത്സിക്കാനുള്ള ഭീമമായ തുക കണ്ടെത്താനാവാതെ ഇവര്ക്കിടയില് കുടുംബ നാഥനായ വി.എന്.ഗിരീഷ് തളരുകയാണ്.
ഇരിട്ടി നേരംപോക്ക് റോഡിലെ വസന്താ ബില്ഡിങ്ങ്സിലെ വാടകമുറിയിലാണ് ഗിരീഷും കുടുംബവും താമസിക്കുന്നത്. മാസങ്ങള്ക്ക് മുന്പാണ് ഗിരീഷിന്റെ മകന് അഭിരാമിന്റെ ഹൃദയം തുറന്നുള്ള രണ്ട് ശസ്ത്രക്രിയകള് എറണാകുളം അമൃത ആശുപത്രിയില് നടന്നത്. അന്നും സുമനസ്സുകളായ മനുഷ്യരുടെ സഹായഹസ്തം മൂലമാണ് കുട്ടിയുടെ ശസ്ത്രക്രിയ നടത്താനായത്. അഭിരാമിന്റെ ചികിത്സ ഇപ്പോഴും തുടരുകയാണ്. ഇതിനിടയിലാണ് അഭിരാമിന്റെ അമ്മ വെള്ളാപ്പള്ളില് ശ്രീജയും മാരകമായ അര്ബുദ രോഗത്തെത്തുടര്ന്ന് കിടപ്പിലായത്. അമ്മയുടെയും മകന്റെയും ചികിത്സക്കായുള്ള ഭാരിച്ച തുക കണ്ടെത്താനാവാതെ പ്രയാസപ്പെടുകയാണ് സ്വന്തമായി വീടോ മറ്റു വരുമാന മാര്ഗ്ഗങ്ങളോ ഇല്ലാത്ത സ്വര്ണ്ണത്തൊഴിലാളിയായ ഗിരീഷ്.
ഇവരുടെ ചികിത്സക്കുവേണ്ടി വാര്ഡ് കൗണ്സിലര് പി.വി.പ്രേമവല്ലി കണ്വീനറായി നാട്ടുകാരുടെ ഒരു ചികിത്സാ കമ്മിറ്റി രൂപീകരിച്ച് പ്രവര്ത്തന മാരംഭിച്ചിട്ടുണ്ട്. ഇരിട്ടി സ്റ്റേറ്റ് ബാങ്ക് ഓഫ് ട്രാവന്കൂറില് കമ്മിറ്റിയുടെ പേരില് അക്കൗണ്ടും ആരംഭിച്ചിട്ടുണ്ട്. ഉദാരമതികളായ സുമനസ്സുകള് ഈ അക്കൗണ്ടില് പണം നിക്ഷേപിച്ച് ഈ കാരുണ്യ പ്രവര്ത്തിയോട് സഹകരിക്കണമെന്ന് കമ്മിറ്റി അഭ്യര്ത്ഥിച്ചു. അ/ ഇ ചീ . 67373509617 കഎടഋ ഇീറല ടആഠഞ 0000647 ഫോണ് 9447191595 , 9447669007.
