സ്വന്തംലേഖകന്
വിളപ്പില്: വികലാംഗ ക്ഷേമം ലക്ഷ്യമിട്ട് വിളപ്പില് പഞ്ചായത്ത് നല്കിയ ട്രൈസ്കൂട്ടറുകളില് രണ്ടെണ്ണം പഞ്ചായത്ത് പടിക്കല് തുരുമ്പെടുത്ത് നശിക്കുന്നു. ഗുണഭോക്താവിന്റെ മരണത്തെ തുടര്ന്നും, ലൈസന്സില്ലാത്ത മറ്റൊരു വികലാംഗനില് നിന്നും തിരിച്ചെടുത്ത െ്രെടസ്കൂട്ടറുകളാണ് അര്ഹരായ വികലാംഗര്ക്ക് നല്കാന് അധികൃതര് കൂട്ടാക്കാത്തത്.
2013 ലാണ് വിളപ്പില് പഞ്ചായത്ത് പ്രത്യേക പ്രോജക്ടിലൂടെ ഒരു വാര്ഡില് ഒരു വികലാംഗനെന്ന കണക്കില് 20 ട്രൈസ്കൂട്ടറുകള് നല്കിയത്. ഇതില് കാരോട് വാര്ഡിലെ ഗുണഭോക്താവ് ട്രൈ സ്കൂട്ടര് കിട്ടി മാസങ്ങള്ക്കുള്ളില് അസുഖം ബാധിച്ച് മരിച്ചു. ഒരു ദിവസം പോലും ഉപയോഗിക്കാത്ത ഈ മുച്ചക്രവാ
വിളപ്പില് പഞ്ചായത്തില് തുരുമ്പെടുത്ത്
നശിക്കുന്ന ട്രൈസ്കൂട്ടറുകള്
ഹനം ഗുണഭോക്താവിന്റെ മരണത്തെ തുടര്ന്ന് രണ്ട് വര്ഷം മുന്പ് പഞ്ചായത്ത് നോട്ടീസ് നല്കി തിരിച്ചെടുത്തു. തുരുത്തുംമൂല വാര്ഡില് വിതരണം ചെയ്ത ട്രൈസ്കൂട്ടര് ഉപയോഗിക്കുന്ന വികലാംഗന് ലൈസന്സില്ലെന്ന കാരണത്താല് ഒരു വര്ഷം മുന്പ് തിരിച്ചുവാങ്ങി. ഇവ രണ്ടുമാണ് പഞ്ചായത്ത് ഓഫീസിന്റെ മൂലയ്ക്ക് ചപ്പുചവറുകള്ക്കിടയില് വെയിലും മഴയുമേറ്റ് തുരുമ്പിച്ചു കിടക്കുന്നത്.
ട്രൈസ്കൂട്ടര് അനുവദിക്കുന്ന വികലാംഗന് മരണം സംഭവിക്കുകയോ, ഉപയോഗിക്കാന് സാധിക്കാതെ വരികയോ ചെയ്താല് വാഹനം പിടിച്ചെടുത്ത് അര്ഹനായ പഞ്ചായത്തിലെ മറ്റൊരു വികലാംഗന് നല്കണമെന്നതാണ് വ്യവസ്ഥ. 2013 മുതല് 2015 വരെയുള്ള ഗ്രാമസഭകളില് ട്രൈസ്കൂട്ടറിനായി ലഭിച്ച 68 ഓളം അപേക്ഷകളാണ് പൊടി പിടിച്ച് കിടക്കുന്നത്. ഇവരിലാര്ക്കെങ്കിലും മുന്ഗണനാക്രമത്തില് നല്കാമായിരുന്നിട്ടും പഞ്ചായത്ത് അതില് വീഴ്ചവരുത്തുകയായിരുന്നു. ഗ്രാമസഭാ ലിസ്റ്റില് പേരുള്ള ഏതെങ്കിലും വികലാംഗന് ട്രൈസ്കൂട്ടര് നല്കണമെന്ന് നിര്വഹണ ഉദ്യോഗസ്ഥയായ ഐസിഡിഎസ് സൂപ്പര്വൈസര് പഞ്ചായത്ത് സെക്രട്ടറിക്ക് കത്തുനല്കിയെങ്കിലും ജനറല് കമ്മറ്റി അംഗീകാരമില്ലാത്തതിനാല് വിതരണം വൈകുകയായിരുന്നു. തുരുമ്പെടുത്ത് ഉപയോഗശൂന്യമായ ഈ ്രൈടകൂട്ടറുകള് ഇനി നല്കാന് തീരുമാനിച്ചാലും, ആരെങ്കിലും വാങ്ങാന് തയ്യാറാകുമോ എന്ന ആശങ്കയിലാണ് പഞ്ചായത്തധികൃതര്.
