നെയ്യാറ്റിന്കര: നെയ്യാറ്റിന്കര പഴയ പോലീസ് സ്റ്റേഷനില് മുന്നിലുള്ള ശ്രീകൃഷ്ണവിഗ്രഹത്തേയും സമീപത്ത് നില്ക്കുന്ന ദേവവൃക്ഷമായ അരശുമരത്തെയും നീക്കം ചെയ്യാന് റവന്യൂ വകുപ്പിലെ ഒരുകൂട്ടം ഉദ്യോഗസ്ഥരുടെ ശ്രമം. ആരാധന നടത്തുന്ന ശ്രീകൃഷ്ണവിഗ്രഹത്തെ സംരക്ഷിക്കണമെന്നും ദേവവൃക്ഷത്തെ രസം കുത്തിവച്ച് നശിപ്പിക്കാന് ശ്രമിക്കുന്ന ഗൂഢ നീക്കമവസാനിപ്പിക്കണമെന്നും ആവശ്യപ്പെട്ട്് ഹിന്ദുഐക്യവേദി നെയ്യാറ്റിന്കര താലൂക്ക് കമ്മിറ്റിയുടെ നേതൃത്വത്തില് തഹസീല്ദാര് മാര്ക്കോസിനെ ഉപരോധിച്ചു. വര്ഷങ്ങളായി ജാതി മത ഭേതമന്യേ നാട്ടുകാരും ഉദ്യോഗസ്ഥരും ദിവസവും പൂജചെയ്തു വരുന്നതാണ് ശ്രീകൃഷ്ണ വിഗ്രഹം. വിഗ്രഹത്തിനു സമീപമായി വളര്ന്ന് നിന്നിരുന്ന അരശു മരത്തില് രസദ്രാവകം കുത്തിവച്ച് ഇന്ന് നാശത്തിന്റെ വക്കിലാണ്. ശ്രീകൃഷ്ണ പ്രതിമ നീക്കം ചെയ്യാന് നടപടികളൊന്നും തന്നെ ഉണ്ടായിട്ടില്ലെന്നും അരശുമരം വിഷദ്രാവകം ഉപയോഗിച്ച് നശിപ്പിക്കാന് ശ്രമിച്ചന്ന പരാതി അന്വേഷിക്കുമെന്ന ഉറപ്പിലും ഉപരോധം അവസാനിപ്പിച്ചു. ഹിന്ദുഐക്യവേദി താലൂക്ക് പ്രസിഡന്റ് ജി.ബാബു, ജില്ലാ സമിതി അംഗം ലാസര്, ജനറല് സെക്രട്ടറി വി.എസ് ബിജു, രക്ഷാധികാരി വേണുഗോപാലന്, ട്രഷറര് കൊല്ലയില് ഗിരീഷ്, പള്ളിച്ചല് ഷിബു, പാറശാല അനില്, ആറയൂര് മോഹനന്, അനില്, കീഴ്ക്കൊല്ല ഹരി തുടങ്ങിയവര് ഉപരോധത്തിനു നേതൃത്വം നല്കി.
ശ്രീകൃഷ്ണവിഗ്രഹത്തിനെയും ദേവ വൃക്ഷത്തെയും നീക്കം ചെയ്യാന് ശ്രമം: തഹസീല്ദാറെ ഉപരോധിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.