തിരുവനന്തപുരം: തലസ്ഥാനത്ത് റോഡ് അറ്റകുറ്റപ്പണികള് വൈകുന്നതിനാല് പലയിടങ്ങളിലും ഗതാഗത പ്രശ്നം രൂക്ഷം. കുടിവെള്ള പൈപ്പ്ലൈനുകളുടെയും ഓടകളുടെയും അറ്റകുറ്റപ്പണികളുടെ പേരില് തകരപ്പറമ്പ്, ശ്രീവരാഹം ജംഗ്ഷന് എന്നീ റോ
തകരപ്പറമ്പ് റോഡ് തകര്ന്ന നിലയില്
ഡുകള് തകര്ന്നിട്ട് മാസങ്ങളായി. റോഡുകളില് അപകടകരമായി രൂപം കൊണ്ട കുഴികള് വാഹനയാത്രക്കാര്ക്കും ഭീഷണിയാണ്. ഇത് പലപ്പോഴും ഗതാഗതക്കുരുക്കിനും അപകടങ്ങള്ക്കും കാരണമാകുന്നു.
ഡ്രെയ്നേജ് സംവിധാനത്തിലുണ്ടായ തകരാറുമൂലം എട്ട് മാസങ്ങള്ക്ക് മുമ്പ് ശ്രീവരാഹം ജംഗ്ഷനിലെ റോഡ് ഇടിഞ്ഞുതാഴ്ന്നിരുന്നു. ഇതുവരെയും അറ്റകുറ്റപ്പണികള് നടത്താതിരുന്നതോടെ റോഡിന് നടുവിലുണ്ടായ കുഴികളുടെ വ്യപ്തം കൂടി അപകടകരമായി മാറുകയും ചെയ്തു. രാത്രികാലങ്ങളില് ഇവിടെ വാഹനങ്ങള് കുഴികളില് വീണ് അപകമുണ്ടാകുന്നത് പതിവാണ്. ഇതേ തുടര്ന്ന് നാട്ടുകാര് കുഴികള്ക്ക് മുന്നില് പ്രതിഷേധാര്ത്ഥം പരിഹാസബോര്ഡുകളും സ്ഥാപിച്ചു. നിരവധിതവണ അധികൃതരെ സമീപിച്ചെങ്കിലും കാര്യമായ നടപടികളുണ്ടായില്ലെന്നും നാട്ടുകാര് പറയുന്നു. റോഡിനൊരുവശം ഭാഗികമായി തകര്ന്ന നിലയിലാണ്. വലിയ വാഹനങ്ങള്ക്ക് കടന്നുപോകാന് കഴിയാത്തവിധം ഗതാഗത പ്രശ്നങ്ങളും ഇവിടെയുണ്ട്.
തകരപ്പറമ്പിലെ റോഡുകളുടെ അവസ്ഥയും വ്യത്യസ്തമല്ല. ജപ്പാന് കുടിവെള്ള പദ്ധതിയുടെയും ഡ്രെയിനേജ് സംവിധാനത്തിന്റെയും പേരില് ഉമ്മന്ചാണ്ടി സര്ക്കാര് ഇവിടുത്തെ റോഡുകള് വെട്ടിപ്പൊളിച്ചിട്ട് ഒരുവര്ഷമാകുന്നു. അന്നുതൊട്ടിന്നുവരെയും റോഡിന്റെ പുനര്നിര്മ്മാണത്തിനോ അറ്റകുറ്റപ്പണികള്ക്കോ സര്ക്കാര് മെനക്കെട്ടില്ല. വാഹനങ്ങള്ക്ക് സുഗമമായി കടന്നുപോകാന് കഴിയാത്തവിധം തകര്ന്ന നിലയിലാണ് ഇവിടുത്തെ റോഡുകള്. പൊട്ടിപ്പൊളിഞ്ഞ റോഡും മണ്ണും പൊടിയും ബുദ്ധിമുട്ടുണ്ടാകുന്നതായി യാത്രക്കാരും പരാതിപ്പെടുന്നു.
