കണ്ണൂര്: പള്ളിക്കുന്നില് യുവമോര്ച്ച നേതാവിനു നേരെയുണ്ടായ അക്രമത്തില് മുഴുവന് ജനാധിപത്യവിശ്വാസികളും പ്രതിഷേധിക്കണമെന്ന് ഹിന്ദു ഐക്യവേദി പള്ളിക്കുന്ന് മേഖലാ പ്രസിഡണ്ട് പി.മഹേഷ് പ്രസ്താവനയില് ആവശ്യപ്പെട്ടു. ഭരണത്തിന്റെ ഹുങ്കില് അണികളെ കയറൂരി വിടുന്ന സിപിഎം സംഘപരിവാര് ബിജെപി പ്രവര്ത്തകര്ക്കുനേരെ വ്യാപക അക്രമം അഴിച്ചുവിടുകയാണ്. കമ്മ്യൂണിസ്റ്റ് ആശയങ്ങള് ചവറ്റുകൊട്ടയിലെറിഞ്ഞുകൊണ്ട് സംഘാദര്ശം നെഞ്ചേറ്റാന് യുവാക്കള് തയ്യാറാകുന്നത് കണ്ട് ഭ്രാന്ത് പിടിച്ച പി.ജയരാജന്റെ തലയില് നെല്ലിക്കാത്തളം വെക്കുകയാണ് സിപിഎം ആദ്യം ചെയ്യേണ്ടതെന്നും പി.മഹേഷ് പ്രസ്താവനയില് പറഞ്ഞു. പോലീസ് നിഷ്പക്ഷമായി അന്വേഷണം നടത്തി യുവമോര്ച്ച നേതാവ് ശരത്തിന് നേരെയുണ്ടായ അക്രമത്തിലെ മുഴുവന് പ്രതികളെയും നിയമത്തിനുമുന്നില് കൊണ്ടുവരണമെന്നും അദ്ദേഹം പ്രസ്താവനയില് ആവശ്യപ്പെട്ടു.
ഹിന്ദു ഐക്യവേദി പ്രതിഷേധിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.