തിരൂരങ്ങാടി: മൂന്നിയൂര് പഞ്ചായത്തിലെ കളിയാട്ട മുക്കിലെ സഘര്ഷ മേഖല ബിജെപി സംസ്ഥാന ഉപാധ്യക്ഷന് ശിവരാജന് സന്ദര്ശിച്ചു. കളിയാട്ട മുക്കില് സിപിഎം പ്രവര്ത്തകര് അഴിച്ചുവിട്ട അക്രമണത്തില് ബിജെപി പ്രവര്ത്തകര്ക്ക് ഗുരുതര പരിക്കുകള് സംഭവിക്കുകയും. മൂന്നിയൂര് കളിയാട്ട മുക്ക് സ്വദേശികളായ ജിഷ്ണു, കെ.പ്രശാന്ത്, കെ.രാമചന്ദ്രന് എന്നിവര്ക്കാണ് സിപിഎം പ്രവര്ത്തകര് അഴിച്ചുവിട്ട അക്രമണത്തില് ഗുരുതര പരിക്ക്. ഇവരെ കോഴിക്കോട് മെഡിക്കല് കോളേജ് ആശുപത്രിയിലും, തിരുരങ്ങാടി താലൂക്ക് ആശുപത്രിയിലുമായി പ്രവേശിപ്പിച്ചു. സമീപ പ്രദേശത്ത് നിര്ത്തിയിട്ടിരുന്ന പത്തോളം ഇരുചക്രവാഹനങ്ങളും അക്രമിസംഘം തകര്ത്തിട്ടുണ്ട് ഇതില് രണ്ട് വാഹനങ്ങള് പൂര്ണമായും കത്തിനശിപ്പിക്കുകയും ചെയ്തു. ഓണാഘോഷത്തോടനുബന്ധിച്ച് പ്രദേശത്ത് നടന്ന വടംവലി മല്സരത്തില് പങ്കെടുത്ത ക്ലബ് അംഗങ്ങള് തമ്മില് വാക്കുതര്ക്കങ്ങള് ഉണ്ടായിരുന്നു. ഇത് തിരുരങ്ങാടി സര്ക്കിള് ഇന്സ്പെക്ടറുടെ സാന്നിദ്ധ്യത്തില് ചര്ച്ചയിലൂടെ പരിഹരിക്കപ്പെടുകയും ചെയ്തിരുന്നു. തുടര്ന്ന് വെള്ളിയാഴ്ച വൈകിട്ട് ഡിവൈഎഫ്ഐക്കാരുടെ നേതൃത്വത്തില് ആഘോഷങ്ങള് വീണ്ടും നടത്തുകയായിരുന്നു. അക്രമം മുന്കൂട്ടി പ്ലാന് ചെയ്തു കൊണ്ടാണ് പരിപാടി സംഘടിപ്പിക്കപ്പെട്ടത്. വിവിധ സ്ഥലങ്ങളില് നിന്നും എത്തിയ സിപിഎമ്മുകാര് പ്രദേശത്ത് വ്യാപക അക്രമം അഴിച്ചുവിടുകയായിരുന്നു. പരിവാര് സംഘടനയില്പ്പെട്ടവരെ തിരഞ്ഞുപിടിച്ച് അക്രമം അഴിച്ചുവിടുകയുമായിരുന്നു. ബിജെപി സംസ്ഥാന ഉപാധ്യക്ഷനൊപ്പം ജില്ലാ പ്രസിഡന്റ് രാമചന്ദ്രനുമുണ്ടായിരുന്നു.
സിപിഎം അക്രമം; കളിയാട്ട മുക്കില് ശിവരാജന് സന്ദര്ശിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.