തിരുവനന്തപുരം: ചവര് കൂമ്പാരമായികിടന്ന ചിത്തിര തിരുനാള് പാര്ക്കിന് പുതുമുഖം. കുട്ടികള്ക്കുള്ള കളിസ്ഥലവും, പാര്ക്കും, സമ്മേളനവേദിയുമൊക്കെയായി നവീകരിച്ച പാര്ക്കിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിച്ചു. വളര്ന്നുവരുന്ന തലമുറയെ കലാ സംസ്ക്കാരിക രംഗത്തേ കൈ പിടിച്ചുയര്ത്തുന്നതില് കളിസ്ഥലങ്ങള് വളരെയധികം പങ്കുവഹിച്ചിരുന്നു. കളിസ്ഥലങ്ങള്
നവീകരിച്ച ശ്രീ ചിത്തിര തിരുനാള് പാര്ക്കിന്റെ ഉദ്ഘാടനം മുഖ്യമന്ത്രി പിണറായി വിജയന് നിര്വ്വഹിക്കുന്നു. വി .എസ്. ശിവകുമാര് എംഎല്എ, മേയര് വി.കെ. പ്രശാന്ത്, ഡപ്യൂട്ടി മേയര് രാഖി രവീന്ദ്രന് , ബിജെപി നഗരസഭാ കക്ഷി നേതാവ് അഡ്വ. ഗിരികുമാര്, ഫോര്ട്ട് കൗണ്സിലര് സുരേഷ് തുടങ്ങിയവര് സമീപം
ഇല്ലാതായതോടെ രാഷ്ട്രീയ പാര്ട്ടിക്കാരും സമ്മേളനങ്ങള് നടത്താനാകാതെ ബുദ്ധിമുട്ടുന്നു. കുട്ടികളെ ശ്രദ്ധയോടെ വളര്ത്തിയാല് അത്ഭുതങ്ങള് സൃഷ്ടിക്കാനാകും. അതിന് കളിസ്ഥലങ്ങള് ആവശ്യമാണ്. ഗ്രാമങ്ങളില്പ്പോലും കളിസ്ഥലങ്ങള് ഇല്ലാതായിരിക്കുന്നു. അതിനാല് പൊതു കളിസ്ഥലങ്ങള് ഉണ്ടാക്കാന് സര്ക്കാര് പ്രതിജ്ഞാ ബദ്ധമാണെന്നും മുഖ്യമന്ത്രി പറഞ്ഞു. മേയര് വി.കെ. പ്രശാന്ത് അദ്ധ്യക്ഷത വഹിച്ചു. വി.എസ്. ശിവകുമാര് എംഎല്എ മുഖ്യപ്രഭാഷണം നടത്തി. ബിജെപി കൗണ്സില് പാര്ട്ടി ലീഡര് അഡ്വ. ഗിരികുമാര്, സ്റ്റാന്റിംഗ് കമ്മിറ്റി ചെയര്മാന്മാരായ സതീഷ്കുമാര്, സിമിജ്യേതിഷ്, ആര്. ഗീതാഗോപി, കൗണ്സിലര്മാരായ ആര്. സുരേഷ്, ഡി. അനില്കുമാര്, മുന്മേയര് അഡ്വ. ചന്ദ്രിക, നഗരസഭാ അഡീഷണല് സെക്രട്ടറി എല്.എസ്. ദീപ തുടങ്ങിയവര് സംബന്ധിച്ചു.
