10 വരെ ബിപിഎല് കുടുംബങ്ങള്ക്കുളള ഓണക്കിറ്റുകള് വിതരണം ചെയ്യും. സപ്ലൈകോ വഴിയാണ് ഓണക്കിറ്റ് വിതരണം. ബിപിഎല് കുടുംബങ്ങള് റേഷന് കാര്ഡുമായി സപ്ലൈകോ വിപണന കേന്ദ്രങ്ങളില് ചെന്ന് അവ കൈപ്പറ്റേണ്ടതാണ്.
22 ഗാര്ഡിയന് ഡ്രോണുകള് ഭാരതം അമേരിക്കയില് നിന്ന് വാങ്ങുന്നു. ഇതിനായി അമേരിക്കന് പ്രതിരോധ വകുപ്പിന് കത്ത് നല്കി. യുഎസ് പ്രതിരോധ സെക്രട്ടറി ആഷ്ടന് കാര്ട്ടറും മനോഹര് പരീക്കറും ഇക്കാര്യം ചര്ച്ച ചെയ്തു.
28 മുതല് കേരള ട്രാവല് മാര്ട്ടിന് തുടക്കമാകും. കൊച്ചി ലെ മെറഡിയന് ഹോട്ടലിലാണ് ഉദ്ഘാടനം.വെല്ലിംഗ്ടണ് ഐലന്ഡിലെ സമുദ്രിക, സാഗര കണ്വന്ഷന് സെന്ററുകളിലാണ് ട്രാവല് മാര്ട്ട് നടക്കുക. ഇതിനുള്ള ഒരുക്കങ്ങള് തുടങ്ങി.
38 ശതമാനം വര്ദ്ധന എല്ഐസിയുടെ ലാഭത്തില് ഉണ്ടായി. സ്വകാര്യമേഖലയില് പ്രവര്ത്തിക്കുന്ന 22 ലൈഫ് ഇന്ഷ്വറന്സ് കമ്പനികള്ക്കും കൂടി ലാഭം പതിനഞ്ച് ലക്ഷം കുറഞ്ഞു. എല്ഐസിക്ക് 2015-16ല് 2518 കോടിയുടെ ലാഭമുണ്ടായി.
50 ശതമാനം വരെ രാജധാനി,തുരന്തോ, ശതാബ്ദി എക്സ്പ്രസുകളില് നിരക്ക് വര്ദ്ധിപ്പിച്ചേക്കും.വിമാനസര്വീസുകള്ക്ക് സീസണുകളില് നിരക്ക് വര്ദ്ധന വരുത്തുന്നത് പോലെ ഇവയിലും ഫ്ളെക്സി നിരക്ക് സംവിധാനം ഏര്പ്പെടുത്തും.
