കൊച്ചി: ഗുരുശിഷ്യ ബന്ധത്തിന് സുതാര്യത കൈവരുമ്പോള് മാത്രമാണ് യഥാര്ത്ഥ അറിവ് വിനിമയം ചെയ്യപ്പെടുന്നതെന്ന് ജസ്റ്റിസ് എ.വി. രാമകൃഷ്ണന്. അധ്യാപക ദിനത്തോടനുബന്ധിച്ച് എറണാകുളം ഗവണ്മെന്റ് ഗേള്സ് ഹയര് സെക്കണ്ടറി സ്കൂളില് സംഘടിപ്പിച്ച ഗുരുവന്ദനം പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമൂഹത്തിലെ സാസ്ക്കാരിക ധാര്മ്മിക ധാരണകളിലേയ്ക്ക് എളുപ്പത്തില് ഇറങ്ങി ചെല്ലാന് കഴിയുന്നത് ആ സമൂഹത്തില് നിലനില്ക്കുന്ന വിദ്യാഭ്യാസ മണ്ഡലത്തിലെ ബന്ധങ്ങളെ വിലയിരുത്തുമ്പോഴാണെന്നും അദ്ദേഹം പറഞ്ഞു. ഒരേ സമയം വേദിയില് നാല്പ്പതോളം അദ്ധ്യാപകര്ക്ക് വിദ്യാര്ത്ഥികള് ഗുരുദക്ഷിണ നല്കി ആദരിച്ചു. സ്കൂളിനായി എല്ഐസി എറണാകുളം ഡിവിഷന് നല്കിയ കസേരകള് ഡിവിഷണല് മാനേജര് വി.മനോജ് കുമാറില് നിന്ന് അധ്യാപകന് സജന് പി. ബെന്സില് ഏറ്റുവാങ്ങി. ഹയര് സെക്കന്ററി മുന് ഡയറക്ടര് ജെയിംസ് ജോസഫ്, സി.പി. ചിത്ര, പി.എം. രാജീവ്, വി.ജയകുമാര് എന്.കെ. കെ. ലളിത, ഇ.പി. പിയാമ്മ, സാബുന്നിസ ബീഗം, റോസമ്മ എല്സമ്മ, ഹയര് സെക്കന്ററി റീജണല് ഡെപ്യൂട്ടി ഡയറക്ടര് പി.എം.മായ, പൂര്വ്വ വിദ്യാര്ത്ഥി പ്രധിനിധികളായ ജയലക്ഷ്മി.ടി., എല്ദോ ശശി എന്നിവര് സംസാരിച്ചു. പ്രിന്സിപ്പല് കെ.എം. ശിവരാമന് സ്വാഗതവും പിടിഎ പ്രസിഡന്റ് എ.അജിത് കുമാര് നന്ദിയും പറഞ്ഞു.
കാലടി: എന്എസ്എസ് സ്കൂള് ക്യാമ്പസിലെ മൂന്ന് വിദ്യാലയങ്ങളില് അദ്ധ്യാപകദിനം ആഘോഷിച്ചു. വിദ്യാര്ത്ഥി പ്രതിനിധിയായ മനുഫ്രാന്സിസ് അദ്ധ്യക്ഷത വഹിച്ചു. വിരമിച്ച പത്തോളം അദ്ധ്യാപകരെ ആദരിച്ചു. മാണിക്യമംഗലം എന്എസ്എസ് സ്കൂള് അധികൃതരും പിറ്റിഎ ഭാരവാഹികളുടെയും കാലടി ഗ്രാമപഞ്ചായത്ത് വൈസ് പ്രസിഡന്റ് ബിജുമാണിക്യമംഗലം, കരയോഗം പ്രസിഡന്റ് രാജന് ബി.മേനോന് തുടങ്ങിയവര് പങ്കെടുത്തു.
ബിജെപി കാലടി പഞ്ചായത്ത് കമ്മിറ്റിയുടെ ആഭിമുഖ്യത്തില് അദ്ധ്യാപകദിനത്തോടനുബന്ധിച്ച് അദ്ധ്യാപികയെ ആദരിച്ചു. പ്രധാന അദ്ധ്യാപികയായി വിരമിച്ച മാണിക്യമംഗലം കൃഷ്ണനിവാസില് കെ.എം തങ്കമണിയമ്മ ടീച്ചറെ പൊന്നാടയണിയിച്ച് ആദരിച്ചു.
വടയമ്പാടി : അദ്ധ്യാപക ദിനാചരണത്തിന്റെ ഭാഗമായി പരമഭട്ടാരകേന്ദ്രീയവിദ്യാലയത്തില് ഗുരുവന്ദനചടങ്ങ് നടന്നു. കൗണ്സിലിംഗ് അദ്ധ്യാപിക മഞ്ജു ശിവദാസ് മുഖ്യപ്രഭാഷണം നടത്തി. പ്രിന്സിപ്പാള് എം.ഐ. ജയലക്ഷ്മി, മാനേജര് എം.സന്തോഷ്, അദ്ധ്യാപകരായ ശോഭനക്കുഞ്ഞമ്മ, ശുഭ.ജി.നായര്, ശാന്ത.സി.ജെ, സജീവന്.ജി എന്നിവര് അദ്ധ്യാപകദിന സന്ദേശംനല്കി.
ശ്രീമൂലനഗരം: എടനാട് സെന്റ് അഗസ്റ്റിന്സ് എല്പി സ്ക്കൂളില് അദ്ധ്യാപക ദിനം ആഘോഷിച്ചു. പ്രാര്ത്ഥന, ദിനാചരണസന്ദേശം, ദേശീയഗാനം തുടര്ന്ന് ദീര്ഘകാലം സ്ക്കൂളില് പ്രധാന അദ്ധ്യാപകനായിരുന്ന കെ.കെ.ജോസ്മാസ്റ്ററെ ആദരിക്കല് എന്നിവയുണ്ടായി. പുഷ്പി ജോസഫ്, ബീന, പിടിഎ വൈസ് പ്രസിഡന്റ് ലേഖരവി, ജെസ്സി തുടങ്ങിയവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: