ആലപ്പുഴ: അടുത്ത സാമ്പത്തിക വര്ഷത്തേക്ക് സമഗ്ര ആരോഗ്യ ഇന്ഷ്വറന്സ് പദ്ധതിയില് അംഗങ്ങളാകുന്നതിനായുള്ള രജിസ്ട്രേഷനു തുടക്കമായി. ജില്ലയിലെ അക്ഷയ കേന്ദ്രങ്ങള്, കുടുംബശ്രീ ഉന്നതി യൂണിറ്റുകള് എന്നിവിടങ്ങള് വഴിയാണ് രജിസ്ട്രേഷന്.
നിലവില് ആരോഗ്യ ഇന്ഷ്വറന്സില് അംഗങ്ങളായവര് രജിസ്ട്രേഷന് നടത്തേണ്ടതില്ല. പുതിയ അംഗങ്ങളെ കണെ്ടത്തുന്നതിനായാണ് രജിസ്ട്രേഷന്. രജിസ്ട്രേഷന് ഇക്കുറി ആധാര് നിര്ബന്ധമാണ്. ആധാറില്ലാത്തവര്ക്കു അക്ഷയ കേന്ദ്രങ്ങള് വഴി ആധാര് എടുക്കാനും സൗകര്യമുണ്ട്.
രജിസ്ട്രേഷനായി കുടുംബത്തിലെ ഏതെങ്കിലും ഒരംഗം എത്തിയാല് മതി. ക്ഷേമനിധി തൊഴിലാളികള്, 600 രൂപയില് താഴെ പ്രതിമാസ വരുമാനമുള്ള കുടുംബങ്ങള് എന്നിവര്ക്കാണ് രജിസ്ട്രേഷന്. ഇതുസംബന്ധിച്ച രേഖകള് രജിസ്ട്രേഷനെത്തുമ്പോള് ഹാജരാക്കണം. ആധാര് കാര്ഡിന്റെ ഒറിജനലും പകര്പ്പും വേണം. പുതുക്കാത്തതുമൂലം നിലവില് അംഗത്വം നഷ്ടമായവര്ക്കും വീണ്ടും രജിസ്റ്റര് ചെയ്യാം. അടുത്തവര്ഷം മുതല് ചികിത്സാ സഹായം ഒരുലക്ഷം രൂപയായി ഉയര്ത്തുന്നതിനാല് രജിസ്ട്രേഷന് കൂടുമെന്നാണ് പ്രതീക്ഷ. രജിസ്ട്രേഷന് സൗജന്യമാണ്.
അക്ഷയ കേന്ദ്രങ്ങളിലും മറ്റും ഫോട്ടോകോപ്പിയോ പ്രിന്റെടുക്കുന്നതിനോ മാത്രമേ പണം നല്കേണ്ടി വരൂ. എപിഎല് വിഭാഗങ്ങളെയും ജനപ്രതിനിധികളെയും ഇക്കുറി പദ്ധതിയില് ഉള്പ്പെടുത്തിയിട്ടില്ല. നേരത്തെ എപിഎല് വിഭാഗങ്ങള്ക്ക് പണമടച്ച് പദ്ധതിയില് അംഗമാകാന് അവസരമുണ്ടായിരുന്നു. അത് ഇക്കുറിയുണ്ടാവില്ല.
ആരോഗ്യ ഇന്ഷ്വറന്സ് പുതുക്കുന്നതുമായി ബന്ധപ്പെട്ട സംശയങ്ങള്ക്ക് ടോള് ഫ്രീ നമ്പറില് നിന്നും മറുപടി നല്കും. 1800 233 5691.
