പയ്യന്നൂര്: ക്ഷേത്രാചാരങ്ങളെ അവഹേളിച്ചു കൊണ്ട് അനുദിനം നടക്കുന്ന പ്രസ്താവനകള്ക്കും പ്രദര്ശനങ്ങള്ക്കുമെതിരെ വെള്ളൂര് ചാമക്കാവ് മാതൃസമിതി പ്രതിഷേധ കൂട്ടായ്മ നടത്തി. ചാമക്കാവിലടക്കം നടക്കുന്ന തിടമ്പുനൃത്തം,ഭഗവതി തെയ്യം എന്നിവ തെരുവില് അവതരിപ്പിച്ച് ഭക്തജനങ്ങളുടെ വികാരത്തെ ആഴത്തില് മുറിവേല്പ്പിച്ചതിനെതിരെയാണ് പ്രതിഷേധ കൂട്ടായ്മ നടത്തുന്നതെന്ന് പരിപാടി ഉല്ഘാടനം ചെയ്തുകൊണ്ട് സെക്രട്ടറി മിനിശ്യാമള പറഞ്ഞു. ക്ഷേത്രാനുഷ്ഠാനങ്ങളും ഹൈന്ദവ ആചാരങ്ങളും പുരോഗമനമല്ലെന്നും പഴഞ്ചനാണെന്നും പറഞ്ഞ് അവഹേളിക്കുന്നത്. അതിന്റെ ശാസ്ത്രീയത മനസിലാക്കാത്തതു കൊണ്ടാണ്. ശബരിമലയില് സ്ത്രീകള്ക്ക് ഇപ്പോള് നിലവിലള്ളതുപ്രകാരം പ്രവേശനം മതിയെന്നും പോകാനാഗ്രഹിക്കുന്നവര് അതുവരെ കാത്തിരിക്കുമെന്നും, ഈ കൂട്ടായ്മ ഏതെങ്കിലും രാഷ്ടീയ പാര്ട്ടിയെ അനുകൂലിക്കുന്നതിനോ പ്രതികൂലിക്കുന്നതിനോ അല്ലെന്നും മാതൃസമിതി വ്യക്തമാക്കി. ക്ഷേത്രാചാരങ്ങളെ സംരക്ഷിക്കാന് നടപടി സ്വീകരിക്കണമെന്നാവശ്യപ്പെട്ട് മുഖ്യമന്ത്രിക്കും ദേവസ്വം മന്ത്രിക്കും സമിതി കത്തയച്ചു. സമിതി പ്രസിഡണ്ട് നളിനീ കരുണാകരന്, രാധ കാവണാല്, പി.കെ.വല്സല. എന്നിവര് സംസാരിച്ചു.
ക്ഷേത്രാചാരങ്ങളോടുളള അവഹേളനം: വനിതാ പ്രതിഷേധ കൂട്ടായ്മ സംഘടിപ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.