കണ്ണൂര്: ജീവകാരുണ്യപ്രവര്ത്തന രംഗത്ത് മാതൃകയായി പെണ്കുട്ടികള് മാത്രം അംഗങ്ങളായ നാഷനല് സര്വീസ് സ്കീം (എന്എസ്എസ്) യൂനിറ്റുകള്. വിവിധ പ്രവര്ത്തനങ്ങളിലൂടെ ഇതിനകം സംസ്ഥാനതലത്തില് ശ്രദ്ധാകേന്ദ്രമായ യൂനിറ്റുകള് 2015-16 വര്ഷത്തെ സാമൂഹിക സേവനത്തിനുള്ള പരമോന്നത ബഹുമതിയായ ഇന്ദിരാഗാന്ധി എന്എസ്എസ് സ്റ്റേറ്റ് അവാര്ഡ് കരസ്ഥമാക്കിയിരുന്നു. കണ്ണൂര് കൃഷ്ണമേനോന് സ്മാരക ഗവ. വനിതാ കോളജ് എന്എസ്എസ് യൂനിറ്റാണ് ഓണത്തിനൊരു കൈത്താങ്ങ് എന്ന പേരില് 10,000 വീടുകളില് ജനകീയ സര്വേ നടത്തി സഹായമാവശ്യമുള്ളവരെ കണ്ടെത്തി വിഭവസമാഹരണം നടത്തിയത്. ഒകേ്ടാബര് എട്ടു വരെ സമാഹരിക്കുന്ന തുകയാണ് വിവിധ വിഭാഗങ്ങള്ക്കായി വിതരണം ചെയ്യുക. നിലവില് 25 ലക്ഷം രൂപയുടെ പദ്ധതികളില് തീരുമാനമായി. വിഭവശേഖരണം 50 ലക്ഷത്തിലത്തെിക്കാനാവുമെന്നാണ് പ്രതീക്ഷയെന്ന് സംഘാടകര് പറഞ്ഞു. കണ്ണൂര്, കാസര്ഗോഡ് ജില്ലകളിലെ 10,000 വീടുകളില് ജനകീയ ആരോഗ്യ സര്വേ ആയിരുന്നു ആദ്യം നടത്തിയത്. പിന്നീട് ആന്റി പ്ലാസ്റ്റിക് ക്യാമ്പയിനുമായി വിദ്യാര്ഥിനികള് അതേ വീടുകളിലെത്തി. അയല്വാസിയെ അറിയുക എന്നതായിരുന്നു മൂന്നാമത്തെ ക്യാമ്പയിന്. തുടര്ന്ന് ഉരുത്തിരിഞ്ഞുവന്ന നിര്ദേശങ്ങളാണ് ഓണത്തിനൊരു കൈത്താങ്ങ് പദ്ധതിയിലേക്കെത്തെിയത്. 10,000 വീടുകളിലെ വിഭവങ്ങള് 300 നിര്ധന കുടുംബങ്ങള്ക്ക് വീതിച്ചുനല്കുകയാണ് പദ്ധതി വഴി നടപ്പാക്കുന്നത്.
സ്നേഹവീടും ഓണക്കോടിയും ചികിത്സാ സഹായവും കോളജ് ഓഡിറ്റോറിയത്തില് ഇന്നലെ നടന്ന ചടങ്ങില് വിതരണം ചെയ്തു. ജോസ് ചിറമുഖത്തിന് 7.50 ലക്ഷം രൂപക്ക് നിര്മിച്ച സ്നേഹവീടിന്റെ താക്കോല് കൈമാറി. 40 പേര്ക്കാണ് 1000 രൂപ വീതമുള്ള ഓണക്കോടികള് വിതരണം ചെയ്തത്. 40 അന്ധര്ക്ക് നടക്കാന് സഹായിക്കുന്ന മൊബിലിറ്റി സ്റ്റിക്കും നല്കി. ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനവും വിവിധ പദ്ധതികളുടെ വിതരണവും നിര്വഹിച്ചു. കോളജ് പ്രിന്സിപ്പല് ഡോ.പി.ഓമന അധ്യക്ഷത വഹിച്ചു. ചടങ്ങില് മുഖ്യാതിഥിയായിരുന്ന സ്പെഷ്യല് ഒളിമ്പിക്സ് വെള്ളി മെഡല് ജേതാവ് അജ്മലിനെ ജില്ലാ പഞ്ചായത്ത് പ്രസിഡന്റ് കെ.വി.സുമേഷ് ആദരിച്ചു. വേങ്ങാട് ഗവ.ഹയര്സെക്കന്ഡറി സ്കൂള് അജ്മലിന് നിര്മിച്ചുനല്കുന്ന വീടിന് എന്എസ്എസ് യൂനിറ്റുകളുടെ വക 10,000 രൂപയും നല്കി. അജ്മലിന്റെ വീടു നിര്മാണത്തില് എന്എസ്എസ് വീണ്ടും സഹായം നല്കുമെന്നും സംഘാടകര് അറിയിച്ചു.
പ്രോഗ്രാം ഓഫിസര്മാരായ ഡോ. ജോബി വര്ഗീസ്, പ്രഫ. വിനീത പി.നായര് എന്നിവര് പദ്ധതി വിശദീകരിച്ചു. കണ്ണൂര് സര്വകലാശാല എന്എസ്എസ് പ്രോഗ്രാം കോ-ഓഡിനേറ്റര് കെ.പി. മുഹമ്മദ്, കണ്ണൂര് ആകാശവാണി പ്രോഗ്രാം ഹെഡ് കെ.ബാലചന്ദ്രന് എന്നിവര് പ്രസംഗിച്ചു.
