ആലപ്പുഴ: നരേന്ദ്രമോദി സര്ക്കാരിന്റെ ഭരണ നേട്ടങ്ങള് ജനങ്ങളില് എത്തിക്കുന്നതില് സംസ്ഥാന സര്ക്കാര് തികഞ്ഞ അനാസ്ഥയാണ് കാണിക്കുന്നതെന്ന് ബിജെപി സംസ്ഥാന സമിതി അംഗം എം.എസ്. കരുണാകരന്. ആലപ്പുഴ നിയോജക മണ്ഡലം സജീവ അംഗങ്ങളുടെ പ്രവത്തക കണ്വന്ഷന് ഉത്ഘാടനം ചെയ്യുകയായിരുന്നു അദ്ദേഹം.
ലോക രാഷ്ട്രങ്ങള് പോലും ആദരവോടെ കാണുന്ന പ്രധാനമന്ത്രിയുടെ ജനോപകാരപ്രദമായ പല പരിപാടികളും ജനങ്ങളില് എത്തിക്കുന്നതില് സംസ്ഥാന സര്ക്കാര് തികഞ്ഞ അനാസ്ഥയാണ് കാണിക്കുന്നതെന്നും കേരളത്തിലെ ജനങ്ങള് ഇത് മനസിലാക്കുമെന്നും അദ്ദേഹം പറഞ്ഞു.
ഇപ്പോള് കേരള രാഷ്ട്രീയത്തിലെ ചാലക ശക്തിയായി തീര്ന്ന ബിജെപി സപ്തംബറില് കോഴിക്കോട് നടക്കുന്ന ദേശീയ കൗണ്സില് കഴിയുമ്പോള് സംഘടനാ തലത്തില് വന് മുന്നേറ്റം കാഴ്ച വെക്കുമെന്നും ഇനി വരുന്ന ലോക്സഭാ തെരഞ്ഞെടുപ്പില് കേരളത്തില് നിന്നും നിരവധി എംപിമാര് ബിജെപിക്ക് ഉണ്ടാകുമെന്നും അദ്ദേഹം പറഞ്ഞു.
ബിജെപി ആലപ്പുഴ നിയോജക മണ്ഡലം പ്രസിഡന്റ് ജി. വിനോദ്കുമാര് അദ്ധ്യക്ഷത വഹിച്ചു. ബിജെപി ജില്ലാ അദ്ധ്യക്ഷന് കെ. സോമന്, മണ്ഡലം പ്രഭാരിയും ജില്ലാ സെക്രട്ടറിയുമായ സജീവ്ലാല് എന്നിവര് സംഘടനാകാര്യങ്ങള് വിശദീകരിച്ചു. മണ്ഡലം ജനറല് സെക്രട്ടറി രഞ്ചന് പൊന്നാട് സ്വാഗതവും രെജികുമാര് നന്ദിയും പറഞ്ഞു.
ജില്ലാ സെക്രട്ടറി ഗീതാരാംദാസ്, സംസ്ഥാന സമിതി അംഗങ്ങളായ ആര്.ഉണ്ണികൃഷ്ണന്, അഡ്വ. രണ്ജീത് ശ്രീനിവാസ്, മണ്ഡലം വൈസ് പ്രസിഡന്റുമാരായ കെ.ജി. പ്രകാശ്, ജി. മോഹനന്, സെക്രെട്ടറിമാരായ സുരേഷ് കുമാര്, സുനില് കുമാര്, ട്രഷറര് വാസുദേവകുറുപ്പ്, മണ്ഡലം മോര്ച്ച പ്രസിഡന്റുമാരായ ഉണ്ണികൃഷ്ണന്, പദ്മകുമാര്, രഞ്ജിത്, യുവമോര്ച്ച ജില്ലാ സെക്രട്ടറി ഉമേഷ് സേനാനി, പൂര്വ്വ സൈനിക പരിഷത് ജില്ലാ അദ്ധ്യക്ഷന് റിട്ട. മേജര് ധനപാലന് എന്നിവര് പങ്കെടുത്തു.
