കൊടുവള്ളി: ബിജെപി പ്രവര്‍ത്തകര്‍ക്ക് നേരെ സിപി എം അക്രമം. കിഴക്കോത്ത് ഗ്രാമപഞ്ചായത്തിലെ വലിയപറമ്പ, നെല്ലിക്കാംകണ്ടി, തണ്ണിക്കുണ്ട് ഭാഗങ്ങളിലാണ് ബിജെപി പ്രവര്‍ത്തകര്‍ക്ക് നേരെ സിപിഎം ആസൂത്രിത അക്രമം അഴിച്ചുവിടുന്നത്. കഴിഞ്ഞ ദിവസം നെല്ലിക്കാംകണ്ടി തണ്ണിക്കുണ്ട് ഭാഗത്തെ അതുല്‍, അനൂജ്, ജിതി ന്‍ബാബു എന്നിവരെ സിപിഎമ്മുകാര്‍ ആക്രമിച്ചു. ജോലി കഴിഞ്ഞ് മടങ്ങിവരുമ്പോഴാണ് പതിയിരുന്ന് ആക്രമിച്ചത്. അക്രമത്തില്‍ പരിക്കേറ്റവരെ കോഴിക്കോട് ബീച്ച് ആശുപത്രിയില്‍ പ്രവേശിപ്പിച്ചു. തെരഞ്ഞെടുപ്പ് പ്രചരണ സമയത്തും ഇവിടെ സിപിഎം അക്രമം അഴിച്ചുവിട്ടിരുന്നു. അക്രമത്തില്‍ ബിജെപി കിഴക്കോത്ത് പഞ്ചായത്ത് കമ്മിറ്റി പ്രതിഷേധിച്ചു. അക്രമികളെ ഉടന്‍ അറസ്റ്റ് ചെയ്തു നിയമത്തിന് മുന്നില്‍ കൊണ്ടുവരണമെന്ന് കമ്മിറ്റി ആവശ്യപ്പെട്ടു. യോഗത്തില്‍ പി.സി. പ്രമോദ്, കെ. കുഞ്ഞിരാമന്‍, ബിജു, കെ.എം. ചന്ദ്രന്‍ തുടങ്ങിയവര്‍ സംസാരിച്ചു.
ബിജെപി പ്രവര്‍ത്തകര്‍ക്കു നേരെ സിപിഎം അക്രമം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.