വാഷിങ്ടണ്: അമേരിക്കയിലെ യേല് സര്വകലാശാലയിലെ ശാസ്ത്രജ്ഞര്, ക്ഷീരപഥത്തിന് സമാനമായ ഭാരമുള്ള പുതിയ നക്ഷത്ര സമൂഹം കണ്ടെത്തി. ഇതിലെ പല വസ്തുക്കളും ദുരൂഹതയുണര്ത്തുന്നുമുണ്ട്.
ഡ്രാഗണ് ഫ്ളൈ 44 എന്നാണ് പേരിട്ടിരിക്കുന്നത്. കറുത്ത പദാര്ത്ഥം കൊണ്ടാണിത് നിര്മിച്ചിട്ടുളളത്. തെല്ലും പ്രകാശമില്ലാത്തതിനാല് പതിറ്റാണ്ടുകളായി ഇവ ശാസ്ത്രജ്ഞരുടെ കണ്ണില് പെട്ടില്ല. കോമ നക്ഷത്രസമൂഹത്തിലാണ് ഇതിന്റെ സ്ഥാനം. സൗരയൂഥത്തില് നിന്ന് 330 ദശലക്ഷം പ്രകാശവര്ഷം അകലെയാണിത്.
ഇവ സാധാരണ നക്ഷത്ര സമൂഹമല്ലെന്നാണ് നിഗമനം. ഇതിന്റെ ഒരു ശതമാനം മാത്രമാണ് നമ്മുടേത് പോലെ സാധാരണ നക്ഷത്രങ്ങളും പൊടിയും വാതകവും. ബാക്കിയുളള 99.99 ശതമാനവും കറുത്ത വസ്തുക്കളാണ്. എന്നാല്, ഇത് എന്താണെന്ന് ആര്ക്കും ഇനിയും മനസിലാക്കാനായിട്ടില്ല. ഇവയെങ്ങനെ എത്തിയെന്ന കാര്യവും ദുരൂഹമാണ്.
ഇതിലെ നക്ഷത്രങ്ങളുടെ ചലനമാണ് ഇവിടെയുളള വസ്തുക്കളെക്കുറിച്ച് വിവരം നല്കുന്നതെന്ന് ഡ്രാഗണ് ഫ്ളൈ44 നെ കണ്ടെത്തിയ സംഘത്തിലെ പ്രൊഫ. പെയ്റ്റര് വാന് ഡോക്കം പറയുന്നു. നക്ഷത്രങ്ങള് അതിവേഗത്തിലാണ് ഇവിടെ ചലിക്കുന്നത്.
