ന്യൂയോർക്ക്: അമേരിക്കയിലേക്ക് അനധികൃതമായി കുടിയേറാൻ ശ്രമിച്ച ക്യൂബൻ അഭയാർത്ഥികളെ യുഎസ് തീര സംരക്ഷണ സേന സ്വദേശത്തേക്ക് തന്നെ തിരിച്ചയച്ചു. കടൽ മാർഗം ചെറു ബോട്ടുകളിൽ യുഎസ് ലക്ഷ്യമാക്കി വന്ന അഭയാർത്ഥികളെ പിടികൂടി തിരിച്ചയക്കുകയായിരുന്നു.
അഭയാർത്ഥികൾ നടത്തുന്ന ഇത്തരം ശ്രമങ്ങള് ജീവനു ഭീഷണിയാണെന്നും വിജയത്തില് എത്താന് വളരെ കുറച്ചു സാധ്യത മാത്രമാണുള്ളതെന്നും തീരസംരക്ഷണ സേന ക്യാപ്റ്റന് മാര്ക്ക് ഗോര്ഡോണ് പറഞ്ഞു കഴിഞ്ഞ ഒക്ടോബര് മുതല് ഏകദേശം 6,318 ക്യൂബന് അഭയാര്ഥികള് യുഎസിലേക്ക് കടക്കാന് ശ്രമിച്ചതായാണ് റിപ്പോര്ട്ട്.
2014ൽ അമേരിക്ക-ക്യൂബ ഭരണകൂടങ്ങൾ തമ്മിൽ കൂടുതൽ നയതന്ത്ര സൗഹൃദം സ്ഥാപിച്ചതോടെയാണ് അഭയാർത്ഥികൾ സമുദ്രമാർഗം അനധികൃതമായി യുഎസിലേക്ക് കുടിയേറ്റം ശ്രമം തുടങ്ങിയത്.
പ്രതികരിക്കാൻ ഇവിടെ എഴുതുക: