പെരിങ്ങോം: രക്താര്ബുദം ബാധിച്ച് ചികിത്സയില് കഴിയുന്ന മടക്കാംപൊയിലിലെ ഒമ്പതാം ക്ലാസ് വിദ്യാര്ത്ഥിക്ക് സഹായ ഹസ്തവുമായി പെരിങ്ങോം ഹൈസ്കുളിലെ പൂര്വ വിദ്യാര്ത്ഥികള്. 1993 പത്താം തരം വിദ്യാര്ത്ഥികളാണ് സഹായ ഹസ്തവുമായി എത്തിയത്. ബാച്ചിന്റെ വാട്സാപ്പ് ഗ്രൂപ്പായ ഓര്മ്മകള്93 ശേഖരിച്ച പണവും 99ബാച്ചിന്റെ ഗവ പോളിടെക്നിക്ക് സമാഹരിച്ച തുകയും ഷാര്ജ സണ്മെറ്റല്സ് ഗ്രൂപ്പിന്റെ തുകയുമായ ഒരു ലക്ഷം രൂപ ചടങ്ങില് നല്കി. മടക്കാംപൊയിലിലെ ദരിദ്ര കുടുംബത്തിലെ അംഗവും പെരിങ്ങോം ഗവ ഹയര്സെക്കന്ഡറി സ്കൂളിലെ ഒമ്പതാം ക്ലാസ് വിദ്യാര്ത്ഥിയുമാണ് അമല്റോയി. തലശ്ശേരി കാന്സര് സെന്ററില് ചികിത്സയില് കഴിയുകയാണ്. പെരിങ്ങോത്ത് നടന്ന ചടങ്ങില് പെരിങ്ങോം ഹാരിസ് അധ്യക്ഷത വഹിച്ചു. പെരിങ്ങോം പഞ്ചായത്ത് വികസനകാര്യ സ്ഥിരം സമിതിയംഗവും അമല്റോയി ചികിത്സസഹായ കമ്മിറ്റി ചെയര്മാനുമായ എം.ജനാര്ദ്ദനന് സഹായ ഫണ്ട് നിസാര് ഹുസൈന് ഞെക്ലി കൈമാറി. ചടങ്ങില് ടി.പി.പ്രദീപ്കുമാര്, പി.അനില്കുമാര്, വി.വിദ്യ, ജിജിമോള് എന്നിവര് സംബന്ധിച്ചു.
രക്താര്ബുദം ബാധിച്ച കുരുന്നിന് സഹായ ഹസ്തവുമായി വാട്ട്സാപ്പ് ഗ്രൂപ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.