പോര്ട്ട് ഓഫ് സ്പെയ്ന്: ഇന്ത്യ-വെസ്റ്റിന്ഡീസ് നാലാം ടെസ്റ്റ് തടസപ്പെട്ടതില് അന്വേഷണം. മഴ ഒഴിഞ്ഞുനിന്നിട്ടും മത്സരം നടത്താനാകാത്തതിനെക്കുറിച്ചാണ് ട്രിനിഡാഡ്
ആന്ഡ് ടൊബാഗൊ ക്രിക്കറ്റ് അസിസേയേഷന് അന്വേഷണത്തിന് ഉത്തരവിട്ടത്. ചില
ദിവസങ്ങളില് മാനം തെളിഞ്ഞിട്ടും മൈതാനത്തെ ഈര്പ്പം ഇല്ലാതാക്കാനായില്ല. ആദ്യ
ദിവസം 22 ഓവര് മാത്രമാണ് കളി നടന്നത്.
ക്വീന്സ് പാര്ക്ക് ക്രിക്കറ്റ് ക്ലബ്ബിന്റെ നിയന്ത്രണത്തിലാണ് മൈതാനം. മത്സരം തടസപ്പെട്ടത് 125ാം വാര്ഷികം ആഘോഷിക്കുന്ന
ക്ലബ്ബിനും നാണക്കേടായി. അന്വേഷണ
റിപ്പോര്ട്ട് വിന്ഡീസ് ക്രിക്കറ്റ് ബോര്ഡിന് നല്കുമെന്ന് ട്രിനിഡാഡ് ആന്ഡ് ടൊബാഗൊ ക്രിക്കറ്റ് ബോര്ഡ് പ്രസിഡന്റ് അസിം ബസ്സരഥ് പറഞ്ഞു. സംഭവം ഭാവിയില് തിരിച്ചടിയാകുമെന്നും ബോര്ഡ് കരുതുന്നു. 2017ല് പാക്കിസ്ഥാനാണ് ഇനി കരീബിയയില് പര്യടനത്തിനെത്തുക.
നാലാം ടെസ്റ്റിന്റെ ആദ്യ ദിവസം 18ന് 22 ഓവര് മാത്രമാണ് കളി നടന്നത്. ആദ്യം ബാറ്റ് ചെയ്ത വിന്ഡീസ് രണ്ടു വിക്കറ്റ് നഷ്ടത്തില് 62 റണ്സെടുത്തിരുന്നു.
