ആലപ്പുഴ: നഗരത്തില് ആധിപത്യം ചെലുത്തുന്ന മയക്കുമരുന്ന്, ഗുണ്ടാമാഫിയ സംഘങ്ങളെ അടിച്ചമര്ത്തണമെന്ന് ആവശ്യപ്പെട്ട് ആലപ്പുഴ നഗരസഭാ ചെയര്മാന് തോമസ് ജോസഫിന്റെ നേതൃത്വത്തില് ഇന്ന് കൗണ്സിലര്മാര് ഉപവാസ സമരം നടത്തും.
രാവിലെ പത്തിന് പോലീസ് ഔട്ട്പോസ്റ്റിന് സമീപം നടക്കുന്ന ഉപവാസം കെ. സി. വേണുഗോപാല് എംപി ഉദ്ഘാടനം ചെയ്യും. നഗരസഭാ കൗണ്സിലര്മാര് ഏകകണ്ഠമായാണ് ഉപവാസ സമരം നടത്താന് തീരുമാനിച്ചതെന്നും സമരത്തിന് രാഷ്ട്രീയമില്ലെന്നും ചെയര്മാന് തോമസ് ജോസഫ് പത്രസമ്മേളനത്തില് അറിയിച്ചു. നഗരത്തില് മദ്യ, മയക്കുമരുന്ന് മാഫിയ സംഘങ്ങളുടെ വിളയാട്ടമാണ് നടക്കുന്നത്. ജനങ്ങളുടെ സൈ്വര്യജീവിതത്തിന് ഇത് ഭീഷണിയായി കഴിഞ്ഞു. ഇവര്ക്കെതിരെ പ്രതികരിച്ചതിന് കൗണ്സിലര്മാരായ കെ. ജെ. പ്രവീണ്, സി. എസ്. ഷോളി, വി. ജയപ്രസാദ് എന്നിവരെ അക്രമിച്ചു. ഈ സാഹചര്യത്തിലാണ് ഇത്തരത്തില് സമരത്തിന് നഗരസഭാംഗങ്ങള് തയ്യാറായതെന്നും ചെയര്മാന് പറഞ്ഞു.
എക്സൈസിന്റെയും, പോലീസിന്റെയും യോജിച്ചുള്ള പ്രവര്ത്തനം മദ്യമയക്കുമരുന്ന് മാഫിയകള്ക്കെതിരെ ആവശ്യമാണെന്നും അദ്ദേഹം പറഞ്ഞു. ബിജെപി പാര്ലമെന്ററി പാര്ട്ടി നേതാവ് ആര്. ഹരി, കൗണ്സിലര്മാരായ ഇല്ലിക്കല് കുഞ്ഞുമോന്, എ. എ. റസാഖ്, ബിന്ദു തോമസ്, സജീന എന്നിവര് പത്രസമ്മേളനത്തില് പങ്കെടുത്തു. എന്നാല് സിപിഎം, സിപിഐ കൗണ്സിര്മാര് പത്രസമ്മേളനം ബഹിഷ്ക്കരിച്ചു.
