ഭുവനേശ്വര്: ലോക ജൂനിയര് ചെസ്സ് ചാമ്പ്യന്ഷിപ്പില് മലയാളി ഗ്രാന്ഡ്മാസ്റ്റര് എസ്. എല്. നാരായണന് വെങ്കലം. ഇൗ നേട്ടം കൈവരിക്കുന്ന ആദ്യ മലയാളിയും നാലാമത്തെ പുരുഷ താരവുമാണ് നാരായണന്. പെണ്കുട്ടികളുടെ വിഭാഗത്തില് ഇന്റര്നാഷണല് മാസ്റ്ററും തമിഴ്നാട് സ്വദേശിയുമായ പി.വി. നന്ദിത വെള്ളി സ്വന്തമാക്കി. ഈ നേട്ടം സ്വന്തമാക്കുന്ന നാലാമത്തെ വനിതയാണ് നന്ദിത. 13 റൗണ്ട് മത്സരത്തില് ഒമ്പത് പോയിന്റാണ് ഇരുവരും നേടിയത്.
അവസാന റൗണ്ടില് നാരായണന് പോളണ്ടിന്റെ സെഗോര്സ് നസുതയെയാണ് പരാജയപ്പെടുത്തിയത്. തിരുവനന്തപുരം സ്വദേശിയായ നാരായണന് 2014ല് ഇന്റര്നാഷണല് മാസ്റ്ററും കഴിഞ്ഞ വര്ഷം ഗ്രാന്ഡ് മാസ്റ്ററുമായി.പുരുഷവിഭാഗത്തില് 1987ല് വിശ്വനാഥന് ആനന്ദ്, 2004ല് പി. ഹരികൃഷ്ണയും 2008ല് അഭിജിത് ഗുപ്ത എന്നിവരാണ് ലോക ജൂനിയര് ചെസ്സില് ചാമ്പ്യന്മാരായിട്ടുള്ളത്. 2001ല് കൊനേരു ഹംപി, 2008 ഹരിക ദ്രോണവല്ലി, 2009ല് സൗമ്യ സ്വാമിനാഥന് എന്നിവര് വനിതാ വിഭാഗത്തിലും മുന്പ് ജേതാക്കളായി.
