തിരുവനന്തപുരം: മുന്നോക്കസമുദായ ഐക്യമുന്നണിയുടെ തിരുവനന്തപുരം ജില്ലാ പൊതുയോഗം ചെട്ടികുളങ്ങര ദേവീക്ഷേത്രത്തിന് സമീപം ശ്രീദേവി നായര് സമാജം ഹാളില് ചേര്ന്നു. രവിവര്മ്മ രാജാ അദ്ധ്യക്ഷത വഹിച്ചു.
സിന്ഹു കമ്മീഷന് റിപ്പോര്ട്ടുനടപ്പാക്കുക, മുന്നോക്ക ക്ഷേമവകുപ്പ് രൂപീകരിച്ച് സമുന്നതി പ്രവര്ത്തനം കാര്യക്ഷമമാക്കുക, വരുമാനപരിധി 8 ലക്ഷം രൂപയായി ഉയര്ത്തുക, ജാതിമതവ്യവസ്ഥകള് മാറ്റി സാമ്പത്തിക സംവരണം ഏകീകൃത സിവില്കോഡ് നടപ്പാക്കുക, മൂന്നുദേവസ്വം ബോര്ഡുകളും ഏകീകരിക്കുക, ദേവസ്വം റിക്രൂട്ട്മെന്റ് ബോര്ഡ് പിരിച്ചുവിട്ട് പിഎസ്സിയ്ക്കു വിടാനുള്ള സര്ക്കാര് നീക്കം ഉപേക്ഷിക്കുക, മുന്നാക്ക ക്ഷേമകോര്പ്പറേഷനിലും, കമ്മീഷനിലും, ദേവസ്വം ബോര്ഡിലും മുന്നാക്കസമുദായാംഗങ്ങളെ ഉള്പ്പെടുത്തുക, കേരള സര്വകലാശാലയില് ഒഴിഞ്ഞുകിടക്കുന്ന ഡിഗ്രി സംവരണസീറ്റുകള് മെരിറ്റടിസ്ഥാനത്തില് സംവരണേതര വിഭാഗങ്ങള്ക്ക് നല്കാന് നടപടി സ്വീകരിക്കുക എന്നീ ആവശ്യങ്ങളും പൊതുയോഗം ഉന്നയിച്ചു.
സംസ്ഥാന പ്രസിഡന്റ് അരവിന്ദാക്ഷകുറുപ്പ്, ജനറല് സെക്രട്ടറി സോമനാഥവാര്യര്, രവിവര്മ്മരാജ, പ്രസാദ് വര്മ്മ, ശ്രീകുമാരന് നായര്, രാജസേനന്, മാടസ്വാമി പിള്ള, ജയകുമാര്, ഡോ. രാമസ്വാമി എന്നിവര് സംസാരിച്ചു.
ശ്രീകുമാരന്നായര് കണ്വീനറായും, പ്രസാദ വര്മ്മ, ഡോ. രാമസ്വാമി, അനില്കുമാര് വര്മ്മ, രാജസേനന് എന്നിവരെ ഉള്പ്പെടുത്തി അഡ്ഹോക്ക് കമ്മിറ്റി രൂപീകരിച്ചു.
സമുന്നതിയിലെ ഉദ്യോഗസ്ഥരുടെ പങ്കാളിത്തത്തോടെ കൂടി കണ്വെന്ഷന് നടത്താന് തീരുമാനിച്ചു. കൂടാതെ മുന്നോക്കത്തിലെ യുവജനങ്ങള്ക്കുവേണ്ടി കൗണ്സിലിംഗ് & ഗൈഡന്സ് സെന്റര് ആരംഭിക്കുവാനും യോഗം തീരുമാനിച്ചു.
