ആലപ്പുഴ: ശ്രീകൃഷ്ണജയന്തി ബാലദിനാഘോഷങ്ങള്ക്കുള്ള ഒരുക്കങ്ങള് ജില്ലയില് പൂര്ത്തിയായി. ഇന്ന് പതാക ദിനത്തോടെ ആഘോഷപരിപാടികള്ക്ക് തുടക്കമായി. പ്രമുഖ വ്യക്തികളും സംഘടനാ കാര്യകര്ത്താക്കളും പതാകകള് ഉയര്ത്തുകയും വൃക്ഷപൂജയും നടത്തും. അയ്യായിരത്തോളം ഗ്രാമങ്ങളില് അലങ്കാരങ്ങളോടുകൂടിയാണ് പതാക ഉയര്ത്തുക. തുടര്ന്നുള്ള ദിവസങ്ങളില് ഗോപൂജ, സാംസ്കാരിക സമ്മേളനങ്ങള്, കവിയരങ്ങ്, ഉറിയടി, ഫലവൃക്ഷത്തൈ വിതരണം എന്നിവയും ഉണ്ടാവും. 24ന് ഗ്രാമ നഗര വീഥികളെ ആനന്ദത്തിലാറാടിച്ച് ശോഭായാത്രകളും മഹാശോഭായാത്രകളും നടക്കും. 22ന് ചേര്ത്തല ടൗണ്ഹാളില് ശ്രീകൃഷ്ണ സന്ധ്യ 2016 നടക്കും. ഈവര്ഷത്തെ ശ്രീകൃഷ്ണജയന്തി സന്ദേശം തൈവയ്ക്കാം തണലേകാം താപമകറ്റാം എന്നതാണ്. ജില്ലയിലെ ആഘോഷങ്ങള്ക്ക് ഡോ. അമ്പലപ്പുഴ ഗോപകമാര്, എന്. കൃഷ്ണപൈ, ആര്. രുദ്രന് എന്നിവര് രക്ഷാധികാരികളായും എച്ച്. പ്രേംകുമാര് ചെയര്മാനായും രമേശന് മാസ്റ്റര് അദ്ധ്യക്ഷനായും അരുണ് സുബ്രഹ്മണ്യന് ജന. കണ്വീനറായും എസ്.കൃഷ്ണകുമാര് കണ്വീനറായും വി.ആതുല് ആഘോഷപ്രമുഖായും പ്രവര്ത്തിച്ചുവരുന്നു.
ശ്രീകൃഷ്ണജയന്തി: പതാകദിനം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.