കണ്ണൂര്: ജില്ലാ തയ്ക്കോണ്ടോ അസോസിയേഷന്റെ ആഭിമുഖ്യത്തില് പതിനെട്ടാമത് സംസ്ഥാന ജൂനിയര് ബോയ്സ് ആന്റ് ഗേള്സ് തയ്ക്കോണ്ടോ ചാമ്പ്യന്ഷിപ്പ് 20,21 തിയ്യതികളിലായി കണ്ണൂര് സര്വ്വകലാശാല മാങ്ങാട്ടുപറമ്പ് കാമ്പസിലെ ഇന്ഡോര്സ്റ്റേഡിയത്തില് നടക്കും. സംസ്ഥാനത്തെ 14 ജില്ലകളില് നിന്നും സ്പോര്ട്സ് ഹോസ്റ്റലുകളില് നിന്നുമായി 350 ഓളം കായിക താരങ്ങള് ചാമ്പ്യന്ഷിപ്പില് പങ്കെടുക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. തയ്ക്കോണ്ടോ ഫെഡറേഷന് ഓഫ് ഇന്ത്യയുടെയും സംസ്ഥാന സ്പോര്ട്സ് കൗണ്സിലിന്റെയും അഫിലിയേഷനുള്ള സംസ്ഥാന തയ്ക്കോണ്ടോ അസോസിയേഷനാണ് മത്സരങ്ങളുടെ ചുമതല. ഇന്റര്നാഷണല് റഫറിമാരും നാഷണല് റഫറിമാരുമടങ്ങുന്ന മുപ്പതോളം പേരാണ് മത്സരങ്ങള് നിയന്ത്രിക്കുന്നത്. ചാമ്പ്യന്ഷിപ്പ് 20 ന് കാലത്ത് 11.30ന് ടി.വി.രാജേഷ് എംഎല്എയുടെ അധ്യക്ഷതയില് മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്യും. 21 ന് വൈകീട്ട് 3.30 ന് നടക്കുന്ന സമാപനസമ്മേളനത്തില് വിജയികള്ക്കുള്ള ട്രോഫികള് വിതരണം ചെയ്യും. വാര്ത്താസമ്മേളനത്തില് ബി.അജി, പി.പി.ബിനീഷ്, രാജേഷ് കൊവ്വമ്മല്, രാജീവന് മാണിക്കോത്ത് എന്നിവര് പങ്കെടുത്തു.
തയ്ക്കോണ്ടോ ചാമ്പ്യന്ഷിപ്പ് 20, 21 തിയ്യതികളില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.