കോഴഞ്ചേരി:ആറന്മുളപഞ്ചായത്തിലെ കോഴിപ്പാലം ജങ്ഷനില് സിപിഎം ഡിവൈഎഫ്ഐഗുണ്ടാവിളയാട്ടം.കഴിഞ്ഞദിവസം ഇരുപതോളം സിപിഎം അക്രമിസംഘം ജങ്ഷനിലെത്തി വെല്ലുവിളി നടത്തുകയും ബിജെപിയുടെ കൊടിമരം നശിപ്പിക്കുകയും ചെയ്തു.വാഹനങ്ങള് തടഞ്ഞുനിര്ത്തി യാത്രക്കരെ പുലഭ്യം പറയുകയും ഏറെനേരം ജങ്ഷനില് ഭീകരാന്തരീക്ഷം സൃഷ്ടിക്കുകയും ചെയ്തു.
ഓട്ടോസ്റ്റാന്ഡില്നിന്നും പാര്ട്ടിക്കാരല്ലാത്തവരുടെ ഓട്ടോറിക്ഷകള് ഓട്ടം പോയാല് അക്രമിസംഘം തടഞ്ഞു നിര്ത്തി ഭീഷണിപ്പെടുത്തുന്നതായും പരാതിയുണ്ട്.
സിപിഎം അക്രമത്തില് പ്രതിഷേധിച്ച് ബിജെപിയുടെ നേതൃത്വത്തില് പ്രകടനവും പ്രതിഷേധയോഗവും നടത്തി.നിയോജകമണ്ഡലം പ്രസിഡന്റ് പി.ആര്.മോഹന്ദാസ് പ്രതിഷേധയോഗം ഉദ്ഘാടനം ചെയ്തു.പഞ്ചായത്തുകമ്മറ്റി പ്രസിഡന്റ് പി.സുരേഷ്കുമാര്,ജില്ലാസെക്രട്ടറി പി.ആര്.ഷാജി,രാധാമണിയമ്മ എന്നിവര് സംസാരിച്ചു.
ഗ്രാമപഞ്ചായത്തംഗം സുജാസുരേഷ്,ബിജെപി പഞ്ചായത്തുകമ്മറ്റി പ്രസിഡന്റ് പി.സുരേഷ്കുമാര്,ഭാരവാഹികളായ കെ.എന്.ഗോപിനാഥപിള്ള, ബാലകൃഷ്ണന് മാലക്കര,ലതിക,അനില സോമന് എന്നിവര് നേതൃത്വം നല്കി.
