നാദാപുരം : നാദാപു രം മേഖലയില്‍ മോഷണം പതിവായതോടെ ബോധവല്‍ക്കരണവുമായി പോലീസ് രംഗത്ത്.
നാദാപുരം മേഖലയില്‍ചെറുതും വലുതുമായ മോഷണങ്ങള്‍ അടുത്തകാലത്ത് വ്യാപകമായിരുന്നു. പോലീസിന്റെ അന്‍പത് നിര്‍ദ്ദേശങ്ങള്‍ അടങ്ങിയ ബോര്‍ഡ് ബസ്റ്റാന്റ് ,ആശുപത്രി ,പ്രധാന കവലകള്‍ , വിദ്യാലയപരിസരം എന്നിവിടങ്ങളിള്‍ സ്ഥാപിച്ചിട്ടുണ്ട്. ബസ്സുകളിലെ പോക്കറ്റടി തടയാനുള്ള നിര്‍ദേശങ്ങള്‍, വീടുപൂട്ടിപ്പോകുന്ന കുടുംബങ്ങള്‍ക്കുള്ള നിര്‍ദ്ദേശങ്ങള്‍ എന്നിവയാണ് ബോര്‍ഡുകളില്‍ സൂചിപ്പിച്ചിരിക്കുന്നത് .രാത്രികാലങ്ങളില്‍ കടഉടമകള്‍ സ്വീകരിക്കേണ്ട പ്രത്യേക നിര്‍ദ്ദേശങ്ങളും ഇവയിലുണ്ട് .ഇന്നലെ വൈകുന്നേരം നാദാപുരം ബസ്റ്റാന്റില്‍ സിഐ സി.രാജപ്പന്റെ നേതൃത്വത്തില്‍ ബോധവത്കരണ പരിപാടി നടത്തി.കൂടുതല്‍ പ്രദേശങ്ങളില്‍ ഇതിന്റെ ഭാഗമായുള്ള ബോധവത്കരണ പരിപാടി വ്യാപിപ്പിക്കുമെന്ന് സി ഐ പറഞ്ഞു
