അമ്പലപ്പുഴ: വണ്ടാനം മെഡിക്കല് കോളേജ് ആശുപത്രിയിലെ നിര്മ്മാണപ്രവര്ത്തനങ്ങളുമായി ബന്ധപ്പെട്ട് നടന്ന തൊഴില്സമരം അവസാനിച്ചു. കരാറുകാരും ബിഎംഎസ് സിഐടിയു തൊഴിലാളി യൂണിയന് നേതാക്കളുമായി നടത്തിയ ചര്ച്ചയിലാണ് സമരം അവസാനിപ്പിക്കാന് തീരുമാനമായത്. ഇതോടെ ചില രാഷ്ട്രീയ പ്രസ്ഥാനങ്ങള് മുതലെടുപ്പിനായി നടത്തിയ കുപ്രചാരണങ്ങള് പൊളിഞ്ഞു.
യന്ത്രങ്ങള് ഉപയോഗിക്കുമ്പോള് തൊഴിലാളികള്ക്ക് മതിയായ നഷ്ടപരിഹാരം നല്കണമെന്നും വിദഗ്ദ്ധ തൊഴിലാളികള്ക്കൊപ്പം പ്രദേശത്തെ 13 യൂണിയന് തൊഴിലാളികള്ക്കുകൂടി ജോലി നല്കാമെന്ന ഉറപ്പിലാണ് സമരം അവസാനിച്ചത്. ഇതുവരെആശുപത്രിയില് യന്ത്രം പ്രവര്ത്തിച്ചു തുടങ്ങിയിട്ടില്ല. എന്നാല് ചിലര് ഇല്ലാത്ത യന്ത്രം തൊഴിലാളികള് തടഞ്ഞുവെന്ന കുപ്രചാരണമാണ് നടത്തിയത്. ബിഎംഎസ് ജില്ലാ ട്രഷറര് ബിനീഷ് ബോയ്, സിഐടിയു നേതാവ് പനവന്, കരാറുകാര് എന്നിവര് ചര്ച്ചയില് പങ്കെടുത്തു. സൂപ്പര് സ്പെഷ്യാലിറ്റി ബ്ലോക്ക്, ദന്തല് കോളേജ്, വൈറോളജി ഇന്സ്റ്റിറ്റ്യൂട്ട് എന്നിവയുടെ നിര്മ്മാണ പ്രവര്ത്തനങ്ങളാണ് ആശുപത്രിയില് നടക്കുന്നത്.
