പേട്ട: ശംഖുംമുഖത്ത് വാവ് ബലി ദിവസം വാഹന പാര്ക്കിംഗിന് തടസ്സം സൃഷ്ടിക്കാന് സാമൂഹ്യവിരുദ്ധരുടെ നീക്കം. കാലങ്ങളായി പാര്ക്കിംഗിനായി പോലീസ് സൗകര്യം ഒരുക്കിയിരുന്ന സുനാമി പാര്ക്കിന് പുറകിലുളള ശ്രീ ചിത്തിരതിരുനാള് ഗ്രൗണ്ടാണ് ഇക്കുറി വാഹനം കയറ്റാന് കഴിയാത്ത വിധത്തില് വെട്ടികുഴിച്ചിട്ടിരിക്കുന്നത്. പ്രദേശത്തെ ഇടവകയില്പ്പെട്ട സാമൂഹ്യവിരുദ്ധരാണ് ഇതിന് പിന്നിലെന്നാണ് ആരോപണം. സര്ക്കാരിന്റെ ഉടമസ്ഥാവകാശത്തിലിരിക്കുന്ന ഒന്നര ഏക്കറോളം വരുന്ന ഭൂമി ഇടവകയ്ക്ക് രാജാവ് നല്കിയതെന്ന് പറഞ്ഞ് പ്രശ്നാന്തരീക്ഷം സൃഷ്ടിക്കുന്നത് പതിവ് സംഭവമായി മാറിയിരിക്കുകയാണ്. ഹൈന്ദവ സംബന്ധമായ എന്ത് പരിപാടികള് ശംഖുംമുഖത്ത് നടത്തിയാലും ഗ്രൗണ്ട് ഇക്കൂട്ടര് അടച്ചിടും. വസ്തുവിന്റെ അവകാശം സംബന്ധിച്ച രേഖകള് ഇടവകയുടെ കൈവശം ഉണ്ടെന്നാണ് വാദം. എന്നാല് സര്ക്കാര് ഉടമസ്ഥതയിലുളള വസ്തു ഇത്തരത്തില് പാഴ്പ്രചരണം നടത്തി പിടിച്ചടക്കാനാണ് ഇടവകയും ഇതില്പ്പെട്ട സാമൂഹ്യവിരുദ്ധരും ശ്രമിക്കുന്നത്. അതേസമയം വസ്തുവിന്മേലുള്ള കേസ് രാജാവിന്റെ അസാന്നിധ്യത്തില് എക്സ്പാര്ട്ടേ വിധി ഇടവക നേടിയിരുന്നു. എന്നാല് പ്രമാണം സംബന്ധിച്ച കാര്യങ്ങള്ക്ക് തടസ്സമാണുളളത്. കൊട്ടാരം വക വസ്തുക്കള് സര്ക്കാരിലേയ്ക്ക് കൈമാറിയപ്പോള് തര്ക്ക വസ്തുവായ ഗ്രൗണ്ടും സര്ക്കാരിന് അവകാശപ്പെട്ടതാണെന്നുളള വാദമാണുളളത്. ഇതിനിടയില് റവന്യൂവകുപ്പില് സ്വാധീനം ഉപയോഗിച്ച് പ്രമാണം കൈക്കലാക്കാനുളള ശ്രമവും പരാജയപ്പെട്ടു. വാവ് ബലി ദിവസം ഇവിടുത്തെ വാഹനപാര്ക്കിംഗിന് തടസ്സമുണ്ടാക്കിയാല് ശക്തമായ പ്രതിഷേധം സംഘടിപ്പിക്കുമെന്ന പ്രദേശത്തെ ഹൈന്ദവ സംഘടനകള് മുന്നറിയിപ്പ് നല്കിയിരിക്കുകയാണ്.
ശംഖുംമുഖത്ത് വാവ് ബലിയ്ക്ക് വാഹന പാര്ക്കിംഗിന് തടസ്സം സൃഷ്ടിക്കാന് നീക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.