ആലപ്പുഴ: സിപിഎമ്മും മതതീവ്രവാദ സംഘടനകളുമായുള്ള ബന്ധം വീണ്ടും മറനീക്കുന്നു. കാലങ്ങളായി സിപിഎം തെരഞ്ഞെടുപ്പിനെ നേരിടുന്നത് പിഡിപി അടക്കമുള്ള മത തീവ്രവാദ സംഘടനകളുമായി സഹകരിച്ചാണ്. മദനിയുമായി വേദി പങ്കിട്ടത് സിപിഎമ്മിലെ ഒരുവിഭാഗം എതിര്ത്തിരുന്നുവെങ്കിലും ഇത്തവണ ഉപതെരഞ്ഞെടുപ്പില് വരെ വിജയിക്കാന് സിപിഎം പിഡിപിയുടെ സഹായം തേടിയെന്ന് വ്യക്തമാക്കുന്നതാണ് പിഡിപി പ്രവര്ത്തകരുടെ ഫേസ്ബുക്ക് പോസ്റ്റുകള്.
പാലമേല് പഞ്ചായത്തിലെ ആദിക്കാട്ടുകുളങ്ങരയില് എല്ഡിഎഫ് സ്ഥാനാര്ത്ഥി ജയിച്ചത് തങ്ങളുടെ പിന്തുണയോടെയാണെന്നാണ് പിഡിപി പ്രവര്ത്തകര് വെളിപ്പെടുത്തിയത്. തെരഞ്ഞെടുപ്പില് ജയിക്കാന് രാജ്യവിരുദ്ധ ശക്തികളുമായി വരെ സിപിഎം ഇതിനു മുമ്പും കൂട്ടുകൂടിയിട്ടുണ്ട്. പിഡിപിയുടെ അവകാശവാദത്തെ എതിര്ക്കാന് സിപിഎമ്മിലെ ആരും രംഗത്തു വന്നിട്ടില്ലെന്നതും ശ്രദ്ധേയമാണ്.
