ഹരിപ്പാട്ട് എത്തിയ കയര് ക്രാന്തി എക്സ്പ്രസ്
ഹരിപ്പാട്: ഭാരത സര്ക്കാരിന്റെ കീഴിലുള്ള കയര്ബോര്ഡ് ചകിരിയില് നിര്മ്മിച്ച വിവിധയിനം ഉല്പ്പന്നങ്ങളുടെ പ്രദര്ശനവുമായി കയര് ക്രാന്തി എക്സ്പ്രസ് ഇന്നലെ ഹരിപ്പാട്ടെത്തി. ചിരട്ടയിലും ചകിരിയിലും രൂപകല്പ്പന ചെയ്ത പതിനഞ്ചിലധികം ഉത്പ്പന്നങ്ങളാണ് പ്രദര്ശനത്തിനായി വാഹനത്തിനുള്ളില് തയ്യാറാക്കിയിരിക്കുന്നത്.
കരകൗശല വസ്തുക്കള്ക്ക് പുറമെ ചകിരിനാരില് നിര്മ്മിച്ച കുട, വള, കമ്മല്, മാല, ബാഗ് തുടങ്ങിയവ പ്രദര്ശനം കാണാനെത്തുന്നവരില് കൗതുകം ജനിപ്പിക്കുന്നതായിരുന്നു. ഇതിന് പുറമെ ചവിട്ടികളും മറ്റുത്പ്പന്നങ്ങളും വാഹനത്തില് സജ്ജമാക്കിയിട്ടുണ്ട്.
കയറുത്പ്പന്നങ്ങള് വാങ്ങിയാല് വമ്പന് സമ്മാനങ്ങളും കയര് ബോര്ഡ് ഓഫര് ചെയ്യുന്നുണ്ട്. കഴിഞ്ഞ പതിനെട്ടിന് കോയമ്പത്തൂരില് നിന്നും കയര്ബോര്ഡ് ചെയര്മാന് സി.പി. രാധാകൃഷ്ണന് ഫഌഗ് ഓഫ് ചെയ്ത കയര് ക്രാന്തി എക്സ്പ്രസ് പ്രയാണം തുടങ്ങിയത്. ഭാരതത്തിലെ എല്ലാ സ്ഥലങ്ങളിലും സഞ്ചരിച്ചശേഷം നവംബര് മാസത്തില് കേരളത്തിലെ തേക്കിന്കാട് മൈതാനിയില് പ്രദര്ശനത്തിന് സമാപനമാകും.
പ്രതികരിക്കാൻ ഇവിടെ എഴുതുക: