എടത്വ: മുട്ടാര്‍ ചലഞ്ച് ആര്‍ട്‌സ് & സ്‌പോര്‍ട്‌സ് ക്ലബിന്റെ ആഭിമുഖ്യത്തില്‍ നടത്തപ്പെടുന്ന മൂന്നാമത് കൈതത്തോടു ജലോത്സവം സെപ്തംബര്‍ 18 ന് 2.30 ന് കൈതത്തോടു വാട്ടര്‍ സ്റ്റേഡിയത്തില്‍ നടക്കും. വെപ്പ് ഏ ഗ്രേഡ്, വെപ്പ് ബി ഗ്രേഡ്, ഇരുട്ടുകുത്തി എ, ഇരുട്ടുകുത്തി ബി ഗ്രേഡ്, ചുരുളന്‍ എന്നീ ഇനങ്ങളില്‍ 16 വള്ളങ്ങള്‍ മത്സരത്തില്‍ പങ്കെടുക്കും.
അഞ്ച്, ഏഴ് തുഴ ചെറുവള്ളങ്ങളുടെ മത്സരവും നടക്കും. തോമസുകുട്ടി മാത്യു ചെയര്‍മാനായും കെ.പി. കുഞ്ഞുമോന്‍ ജനറല്‍ കണ്‍വീനറായും, കെ.കെ. ഷാജു ജോയിന്റ് കണ്‍വീനറായും ലാലി മുട്ടാര്‍ റേസ് കമ്മറ്റി കണ്‍വീനറായും കെ.കെ. പ്രസന്നന്‍ ട്രഷറാര്‍, ഷാജി ശാമുവേല്‍ പബ്ലിസിറ്റി കണ്‍വീനര്‍മാരായും വിവിധ സബ് കമ്മറ്റികള്‍ ജലമേളയുടെ നടത്തിപ്പിനായി രൂപീകരിച്ചു. 101 അംഗ സ്വാഗത സംഘം രൂപീകരിച്ചു. മുഖ്യരക്ഷാധികാരിമാര്‍ കൊടിക്കുന്നില്‍ സുരേഷ്, തോമസ് ചാണ്ടി എന്നിവര്‍ ആയിരിക്കും.
ക്ലബ് പ്രസിഡന്റ് കെ.കെ. തോമസ്സിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ തോമസ്സ് കുട്ടി മാത്യു, കെ.പി. കുഞ്ഞുമോന്‍, കെ.കെ. ഷൈജു, ലാലി മുട്ടാര്‍, കെ.കെ. പ്രസന്നന്‍, ഷാജി ശാമുവേല്‍, ഷാജി എട്ടില്‍ എന്നിവര്‍ പ്രസംഗിച്ചു.
