പത്തനാപുരം: തലവൂരില് ഇന്നലെ വൈകിട്ട് വീശിയടിച്ച ശക്തമായ കാറ്റില് രണ്ട് വീടുകള് തകര്ന്നു. വൈകിട്ട് അഞ്ചിനോടെ വീശിയടിച്ച കാറ്റ് പത്ത് മിനിറ്റോളം നീണ്ടുനിന്നു. പാണ്ടിത്തിട്ട പേഴുംകാല മുക്കിന് സമീപം വിഷ്ണുവിലാസത്തില് ഗിരിജ, വട്ടപ്പാറ റോമാ പള്ളിക്ക് സമീപം പള്ളിതാഴേതില് വീട്ടില് ഡേവിഡ്, വയലിറക്കത്ത് പുത്തന്വീട്ടില് പ്രമോദ് ജോര്ജ്, അഖില്ഭവനില് അനന്ദന്പിള്ള, ശ്യാമള നിലയത്തില് ശ്യാമള, തട്ടാക്കുടിയില് സുരേന്ദ്രന് എന്നിവരുടെ വീടുകളാണ് ഭാഗികമായി തകര്ന്നത്. വീടിന് സമീപത്ത് നിന്ന മരങ്ങള് വീടുകള്ക്ക് മുകളിലേക്ക് വീഴുകയായിരുന്നു. വീടുകളുടെ മേല്ക്കൂരകള് പൂര്ണമായും തകര്ന്ന നിലയിലാണ്. മഴയില്ലാതെ ശക്തിയായി വീശിയടിച്ച കാറ്റ് ചുഴലിക്കാറ്റാണന്നാണ് നാട്ടുകാര് പറയുന്നത്. പ്രദേശത്തെ വീടുകളുടെ മുകളിലേക്ക് വീഴുന്ന തരത്തില് നിരവധി മരങ്ങളാണ് അപകട ഭീഷണി ഉയര്ത്തി നില്ക്കുന്നത്. ശക്തമായ കാറ്റില് നിരവധി കാര്ഷിക വിളകള്ക്കും നാശം സംഭവിച്ചു. ഇലക്ട്രിക് പോസ്റ്റിന് മുകളിലേക്ക് മരം വീണ് പ്രദേശത്തെ വൈദ്യുതിബന്ധവും തടസപ്പെട്ടിരിക്കുകയാണ്. എന്എസ്എസ് എസ്റ്റേറ്റില് റബ്ബര്മരം റോഡിന് കുറുകെ വീണ് കുന്നിക്കോട് പട്ടാഴി പാതയില് ഏറെ നേരം ഗാഗതവും തടസപ്പെട്ടു. തകര്ന്ന വീടുകള് റവന്യൂ ഉദ്യോഗസ്ഥര് സന്ദര്ശിച്ച് നാശനഷ്ടം വിലയിരുത്തി.
തലവൂരില് ചുഴലിക്കാറ്റ്; ആറ് വീടുകള് തകര്ന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.