തലശ്ശേരി: മനുഷ്യനന്മയ്ക്കായി ചെയ്യുന്ന എല്ലാ പ്രവര്ത്തികളും ദൈവീകമാണെന്ന് തലശ്ശേരി അഡീഷണല് ഡിസ്ട്രിക്ട് സെഷന്സ് ജഡ്ജ് കെ.ബൈജുനാഥ് പ്രസ്താപിച്ചു. പ്ലാസ്റ്റിക് മാലിന്യമുക്ത തലശ്ശേരിക്കായി നഗരസഭാ തയ്യാറാക്കിയ പഴയ പ്ലാസ്റ്റിക് ശേഖരണ പദ്ധതി കായ്യത്ത് ഗവ.എല്പി സ്കൂളില് ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യനെ നശിപ്പിക്കുന്ന ആറ്റംബോംബാണ് പ്ലാസ്റ്റിക് എന്ന കാര്യം സമൂഹം തിരിച്ചറിഞ്ഞുകൊണ്ടിരിക്കുകയാണ്. നിത്യജീവിതത്തില് മനുഷ്യര് പ്ലാസ്റ്റിക് അടിമപ്പെട്ടുകഴിഞ്ഞു. ഉപയോഗം കഴിഞ്ഞ് പ്ലാസ്റ്റിക് വസ്തുക്കള് റോഡിലും അന്യന്റെ പറമ്പിലും വലിച്ചെറിയുവാന് സ്വന്തം മനസ്സ് മലിനമാക്കപ്പെട്ടവര്ക്ക് മാത്രമേ കഴിയുകയുള്ളൂ. ഭൂമിയിലെ വാടകക്കാരാണ് നമ്മള് ഓരോരുത്തരും അതിനാല് ഭൂമിയെ നന്നായി പരിപാലിച്ച് അടുത്ത തലമുറക്ക് കൈമാറാന് നമ്മള് ബാധ്യസ്ഥരാണെന്നും അദ്ദേഹം ഓര്മ്മിപ്പിച്ചു. ചടങ്ങില് നഗരസഭാധ്യക്ഷന് സി.കെ.രമേശന് അധ്യക്ഷതവഹിച്ചു. കൗണ്സിലര് സുഹാന ടീച്ചര്, വിവിധ രാഷ്ട്രീയ പാര്ട്ടി പ്രതിനിധികള് എന്നിവരും സംസാരിച്ചു. ആരോഗ്യ സ്റ്റാന്റിംഗ് കമ്മറ്റി ചെയര്മാന് ടി.രാഘവന് സ്വാഗതവും പി.രാധാകൃഷ്ണന് നന്ദിയും പറഞ്ഞു.
മനുഷ്യ നന്മയ്ക്കായി ചെയ്യുന്നതെല്ലാം ഈശ്വരീയം: ജഡ്ജ് കെ.ബൈജുനാഥ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.