കുട്ടനാട്: കേന്ദ്രസര്ക്കാരിന്റെ സഹായത്തോടെഎന്സിസി പരിശീലന കേന്ദ്രം കുട്ടനാട്ടില് ആരംഭിക്കുമെന്നു തോമസ് ചാണ്ടി എംഎല്എ അറിയിച്ചു. അഞ്ചാം കേരള നേവല് ബറ്റാലിയന് എന്സിസി സഡെറ്റുകളുടെ പരിശീലനത്തിനായാണു കുട്ടനാട്ടില് കേന്ദ്രം സ്ഥാപിക്കുന്നതെന്നും 300 കെഡറ്റുകള്ക്കും 25 നേവി പരിശീലകര്ക്കും താമസ സംവിധാനം അടക്കമുള്ള ക്യാമ്പായിരിക്കും ഇത്.
ഏഴു വെയ്ലര് ബോട്ട്, ഏഴു സെയിലിങ് ബോട്ട്, രണ്ടു റെസ്ക്യു ബോട്ട് തുടങ്ങിയവയും ക്യാംപിനോട് അനുബന്ധിച്ചുണ്ടാകും.നീന്തല്, കനൂയിങ്, കയാക്കിങ്, പാരാസെയ്ലിങ്, സെയ്ലിങ് എക്സ്പെഡിഷന്, സ്കൂബ ഡൈവിങ് തുടങ്ങിയവ പരിശീലിക്കുന്നതിനു പ്രത്യേക സൗകര്യങ്ങള് ഉണ്ടാകും.
കേന്ദ്ര സംസ്ഥാന സര്ക്കാരുകളുടെ സാമ്പത്തിക സഹായത്തോടെയാണു പദ്ധതി നടപ്പിലാക്കുന്നത്. കേന്ദ്രം ആരംഭിക്കുന്നതുമായി ബന്ധപ്പെട്ട് തോമസ് ചാണ്ടി എംഎല്എ എന്സിസി ഡപ്യൂട്ടി ഡയറക്ടര് ജനറല് ബ്രിഗേഡിയര് സനല്കുമാറുമായും മറ്റ് എന്സിസിയിലെ മുതിര്ന്ന ഉദ്യോഗസ്ഥരുമായി തിരുവനന്തപുരത്തു ചര്ച്ചകള് നടത്തി.
പദ്ധതിക്കായി വെളിയനാട് വില്ലേജിലെ റവന്യൂ ഭൂമി എന്സിസിക്ക് വിട്ടുകൊടുക്കുന്നതിനാവശ്യമായ നടപടികള് സ്വീകരിക്കുമെന്നും എംഎല്എ അറിയിച്ചു.
പ്രതികരിക്കാൻ ഇവിടെ എഴുതുക: