പള്ളിപ്പുറം: അസ്ഥിമാറ്റിവയ്‌ക്കല്‍ ശസ്ത്രക്രിയയ്‌ക്കു വിധേയയാകുന്ന വിദ്യാര്‍ത്ഥിനിയുടെ ചികില്‍സാ സഹായത്തിനായി സ്വകാര്യ ബസുകള്‍ ഇന്ന് കാരുണ്യയാത്ര നടത്തും. ചേന്നംപള്ളിപ്പുറം ഗ്രാമപഞ്ചായത്ത് മൂന്നാം വാര്‍ഡ് അക്ഷയഭവനത്തില്‍ മനോജിന്റെയും സോമലതയുടെയും മകള്‍ അക്ഷയയുടെ (10) ചികില്‍സയ്‌ക്കായാണ് ചേര്‍ത്തല – അരൂക്കുറ്റി റൂട്ടിലൂടെ ഇടക്കൊച്ചിക്കും വൈറ്റിലയ്‌ക്കും സര്‍വീസ് നടത്തുന്ന തൈക്കാട്ടുശേരി മുണ്ടുപറമ്പില്‍ വര്‍ഗീസിന്റെ ഉടമസ്ഥതയിലുള്ള കല്യാണിക്കുട്ടി എന്ന രണ്ടു സ്വകാര്യ ബസുകള്‍ നാളെ കാരുണ്യയാത്ര നടത്തുന്നത്.
യാത്രക്കാര്‍ക്കു ടിക്കറ്റ് നല്‍കാതെ ബക്കറ്റില്‍ സഹായധനം ശേഖരിക്കുകയും ബസ് തൊഴിലാളികളുടെ ദിവസ കൂലി ഒഴിവാക്കുകയുമാണു ചെയ്യുന്നത്. അസ്ഥി അര്‍ബുദം ബാധിച്ച അക്ഷയ കൊച്ചിയിലെ സ്വകാര്യ ആശുപത്രിയില്‍ ചികില്‍സയിലാണ്. ശസ്ത്രക്രിയയ്‌ക്കു മൂന്നു ലക്ഷം രൂപ ചെലവാകും. നിര്‍ധന കുടുംബത്തിനു അതു സമാഹരിക്കാന്‍ കഴിയാത്തതിനാലാണു നാട് കൈകോര്‍ക്കുന്നത്.
