സ്റ്റോക്ക്ഹോം: സ്വീഡനിലെ വൈദ്യുത പാത ഉദ്ഘാടനം ചെയ്തു. ലോകത്ത് ആദ്യമായാണ് പൊതുനിരത്തില് വൈദ്യുതി പ്രസരിപ്പിക്കുന്ന പാത നിര്മ്മിക്കുന്നത്. ഇ16 റോഡിന്റെ ഒരു ഭാഗത്താണ് പരീക്ഷണം നടത്തിയത്. ട്രക്ക് അടക്കമുള്ള വാഹനത്തിന്റെ മുകളില് വൈദ്യുതി സ്വീകരിക്കുന്നതിനുള്ള കണക്ടര് വഴി ഹൈബ്രിഡ് ഇലക്ട്രിക്ക് മോട്ടോറിന്റെ സഹായത്തോടെയാണ് വാഹനം ഇതിലൂടെ നീങ്ങുന്നത്.
വായുമലിനീകരണം ഇല്ലാത്ത ഇന്ധനരഹിത ഗതാഗതത്തിനാണ് ഇത്തരത്തിലുള്ള വൈദ്യുത റോഡുകളുടെ സാധ്യത. അന്തരീക്ഷത്തിലെ കാര്ബണ് ഡൈ ഓക്സൈഡിന്റെ തോത് കുറയ്ക്കുന്നതിനും ഈ നീക്കം സഹായിക്കും. നിലവിലുള്ള പാതകള് നിലനിര്ത്തിക്കൊണ്ട് പ്രകൃതിക്കിണങ്ങുന്ന വിധത്തിലുള്ള ഗതാഗതം എങ്ങനെ നടത്താമെന്ന് കാണിക്കുകയാണ് സ്വീഡന്റെ ലക്ഷ്യം.
ഭാവിക്കായുള്ള ഗതാഗത സൗകര്യമാണ് സ്വീഡന്റെ വൈദ്യുതപാത. നിരവധി വര്ഷത്തെ പഠനത്തിന്റെ ഫലമായാണ് ഇത്തരം നൂതന മാര്ഗത്തിലുള്ള പാത വികസനം സാധ്യമായത്. 2018വരെ പരീക്ഷണം തുടരുമെന്നാണ് വിവരം. എങ്ങനെയാണ് ഇതിന്റെ പ്രവര്ത്തനം നടക്കുകയെന്ന പഠനമാണ് ഈ കാലയളവില് നടത്തുന്നത്. സ്വീഡനിലെ ഗതാഗത മന്ത്രാലയവും, ഊര്ജ്ജ മന്ത്രാലയവും, നവവത്ക്കരണ ഏജന്സിയും ചേര്ന്നാണ് പ്രവര്ത്തനത്തിന് ഫണ്ട് നല്കുന്നത്.
