തൊടുപുഴ: നിരവധി വിദ്യാര്ത്ഥികള് സഞ്ചരിക്കുന്ന വണ്ടമറ്റം കടമണ് പാലം അപകടക്കെണിയില്. വീതി കുറഞ്ഞ ഈ പാലത്തിലൂടെയാണ് കുരുന്നുകള് ഉള്പ്പെടെയുള്ള വിദ്യാര്ത്ഥികള് കരിമണ്ണൂര് ,മുതലക്കോടം മേഖലകളിലെ സകൂളുകളിലെത്തുന്നത്. കൈവരി ഇല്ലാതെ തുറന്നു കിടക്കുന്ന പാലത്തിലൂടെ സാഹസികമായാണ് വിദ്യാര്ത്ഥികള് സഞ്ചരിക്കുന്നത്. സകൂള് ബസ്സ് ഉള്പ്പെടെ നിരവധി വാഹനങ്ങളാണ് ഈ പാലത്തിലൂടെ കടന്ന്പോകുന്നത്. വണ്ടമറ്റം കരിമണ്ണൂര് റോഡില് നിന്നും ഏഴുമുട്ടം കരിമണ്ണൂര് റോഡിലേക്ക് എളുപ്പത്തില് എത്താവുന്ന ലിങ്ക് റോഡാണിത്.മഴക്കാലം ആരംഭിച്ചതോടെ നിറഞ്ഞൊഴുകുന്ന തോടിന് മീതെയുള്ള കടമണ് പാലത്തിലൂടെയാണ് വിദ്യാര്ത്ഥികള് സഞ്ചരിക്കുന്നത്. എതു സമയവും അപകടം സംഭവിക്കാം എന്നതാണ് സ്ഥിതി.നൂറു കണക്കിന് കുടുംബങ്ങള് ആശ്രയിക്കുന്ന ഈ പാലത്തിനോട് അധികൃതര് കാണിക്കുന്ന അവഗണനയില് വലിയ പ്രതിഷേധമാണ് ഇവിടെ നിലനില്ക്കുന്നത്. സ്കൂളിലേക്ക് അയയ്ക്കുന്ന വിദ്യാര്ത്ഥികള് പാലം കടക്കുന്നതു വരെ ഇവിടെയുള്ള അമ്മമാരുടെ നെഞ്ചില് തീയാണ്.പാലത്തിന്റെ അപകട സ്ഥിതി അധികാരികളെ അറിയിച്ചിട്ടും യാതൊരു ഫലമുണ്ടായില്ലെന്ന് ഇവിടുത്തുകാര് പറയുന്നു.
ജീവന് മുറുകെപ്പിടിച്ച് കടമണ് പാലം കടക്കാം…
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.