ഏലപ്പാറ: ഇടവേളയ്ക്ക് ശേഷം ബൊണാമി എസ്റ്റേറ്റില് വ്യാപക കയ്യേറ്റം. നാളുകളായി അടഞ്ഞ് കിടക്കുന്ന എംഎംജെയുടെ ഉടമസ്ഥതയിലുള്ള തോട്ടത്തിലാണ് കയ്യേറ്റം നടക്കുന്നത്. അഞ്ച് മാസം മുമ്പ് ഇവിടെ ഭൂമാഫിയക്കാര് ഭൂമി കയ്യേറിയപ്പോള് എസ്റ്റേറ്റിലെ തൊഴിലാളികളും യൂണിയനുകളുടെ നേതൃത്വത്തില് പ്രതിരോധം തീര്ത്തിരുന്നു. തൊഴിലാളികള് എസ്റ്റേറ്റിനുള്ളല് കുടിലുകള് ഉയര്ത്തിയാണ് പുറത്തുനിന്നുള്ള കയ്യേറ്റക്കാരെ തുരത്തിയത്. ഫോറസ്റ്റ് ഡിപ്പാര്ട്ട്മെന്റ് പാട്ടത്തിന് എംഎംജെയ്ക്ക് നല്കിയിരിക്കുന്ന ഈ സ്ഥലത്തുനിന്ന് തൊഴിലാളികളെ പിന്നീട് ഇറക്കിവിടുകയായിരുന്നു. ഇപ്പോള് പുറത്തുനിന്നുമുള്ള കയ്യേറ്റക്കാര് വീണ്ടും കുടിലുകള് കെട്ടി ഇവിടം ആധിപത്യം ഉറപ്പിച്ചിരിക്കുകയാണ്. പുതിയ സര്ക്കാര് അധികാരത്തില് വന്നതിന്റെ മറവില് ആണ് കയ്യേറ്റം വ്യാപകമായതെന്ന് തോട്ടം തൊഴിലാളികള് പറയുന്നു. തോട്ടം പൂട്ടിയിടുകയും തൊഴിലാളികള്ക്ക് ലക്ഷങ്ങള് ആനുകൂല്യം നല്കുവാനും ഉള്ളപ്പോഴാണ് കയ്യേറ്റങ്ങള് നടക്കുന്നത് എന്നത് തൊഴിലാളികളെ വീണ്ടും ദുരിതത്തില് ആക്കുന്നു. മുന്പ് നടന്ന കയ്യേറ്റത്തിന് ഇവിടെ നിന്നും വ്യാപകമായി മരങ്ങള് മുറിച്ച് വിറ്റിരിന്നു. ഇപ്പോള് കയ്യേറ്റക്കാരോട് വനംവകുപ്പ് ഉദ്യോഗസ്ഥര് മൃദു സമീപനം സ്വീകരിച്ചിരിക്കുന്നതെന്ന് നാട്ടുകാര് പറയുന്നു. കയ്യേറ്റത്തിനെതിരെ ശക്തമായ പ്രതിരോധം തീര്ക്കാനാണ് തൊഴിലാളികള് തയ്യാറെടുക്കുന്നത്. വനംവകുപ്പ് ഉദ്യോഗസ്ഥര്ക്കും സംഭവത്തില് പങ്കുള്ളതായി ആക്ഷേപം ഉയര്ന്നിട്ടുണ്ട്.
ബൊണാമി എസ്റ്റേറ്റില് വ്യാപക കയ്യേറ്റം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.