ഭാരതത്തില് എവിടെയാണ് ന്യൂനപക്ഷങ്ങളും ഭൂരിപക്ഷങ്ങളും തമ്മിലുള്ള വ്യത്യാസം. താഴെത്തട്ടു മുതല് ഉന്നതതലംവരെ ന്യൂനപക്ഷങ്ങളും ഭൂരിപക്ഷങ്ങളും പരസ്പരം ഇടകലര്ന്നല്ലെ ജീവിക്കുന്നത്. ഇവിടെ വീടുകളിലും പറമ്പുകളിലും ജോലിചെയ്യുന്ന ആളുകള് ‘ന്യൂനപക്ഷ ഭൂരിപക്ഷ’ വ്യത്യാസം നോക്കിയാണോ ചെയ്യുന്നത്.
പലചരക്കു കടയില് നിന്നു സാധനങ്ങള് വാങ്ങുന്നത് ഭൂരിപക്ഷ-ന്യൂനപക്ഷം നോക്കിയാണോ? സ്കൂളില് അധ്യാപകര് കുട്ടികളെ പഠിപ്പിക്കുന്നത് ഭൂരിപക്ഷ-ന്യൂനപക്ഷം നോക്കിയാണോ? ഒരു ഡോക്ടര് രോഗിയെ ചികിത്സിക്കുന്നത് ഭൂരിപക്ഷ-ന്യൂനപക്ഷം നോക്കിയാണോ? പോലീസ് കുറ്റവാളികള്ക്കെതിരെ കേസെടുക്കുന്നത് ഭൂരിപക്ഷ-ന്യൂനപക്ഷം നോക്കിയാണോ? വക്കീലന്മാര് കേസ് വാദിക്കുന്നത് ഭൂരിപക്ഷ-ന്യൂനപക്ഷം നോക്കിയാണോ? ന്യായാധിപന്മാര് വിധിപറയുന്നത് ഭൂരിപക്ഷ-ന്യൂനപക്ഷം നോക്കിയാണോ?
രാജ്യം ഭരിക്കുന്ന സര്ക്കാര് ഭൂരിപക്ഷ-ന്യൂനപക്ഷം നോക്കിയാണോ ഭരിക്കുന്നത്. പിന്നെയെന്തിന് ഈ ന്യൂനപക്ഷങ്ങളുടെയും ഭൂരിപക്ഷങ്ങളേയും തമ്മിലടിപ്പിച്ചുകൊണ്ട് അകറ്റിനിര്ത്തുന്നു, അവരെ ഭീതിയിലാഴ്ത്തുന്നു. ഇവിടെ എല്ലാ പക്ഷങ്ങളും പരസ്പര സഹായത്തോടെ കഴിയുമ്പോള് എന്തിനാണീ രാഷ്ട്രീയ നേതാക്കള് പ്രസംഗത്തിലൂടെ ഇവരെ ഭീതിപ്പെടുത്തുന്നത്.
പ്രിയപ്പെട്ട ന്യൂനപക്ഷ-ഭൂരിപക്ഷങ്ങളെ, ഇന്ത്യാ രാജ്യത്ത് ഏത് പാര്ട്ടി ഭരിച്ചാലും ഭരണഘടന അനുശാസിക്കുന്ന നിയമം നമുക്കെല്ലാം ഒരുപോലെ സംരക്ഷണം തന്നിരിക്കും. നമ്മുടെ എല്ലാ മൗലികവകാശങ്ങളും സംരക്ഷിക്കപ്പെടും. ഇനിയും നമ്മളെ തമ്മിലടിപ്പിക്കുന്നവരെ നമ്മള് തിരിച്ചറിയണം. ‘ഒരമ്മയോ’ ‘ഉമ്മയോ’ പ്രസവിച്ച മകളെപ്പോലെ നമുക്ക് ഈ രാജ്യത്ത് ഒന്നിച്ചു ജീവിക്കാം.
ശ്രീനിവാസന് പി.
തയ്യിലക്കടവ്
